室內設計經驗分享：窄長客廳嘅設計技巧
2016年10月12日
8
143083
現時好多樓盤因為結構問題好多時會出現窄長嘅一字廳，繼而會令空間顯得狹窄，有壓逼感覺得侷促。其實，只需要係裝修設計上適當運用技巧可以減少壓逼侷促感，究竟一字廳有咩設計技巧呢？裝修佬話你知。
空間要統一材質
天花、牆面、櫃同地面都選用同樣嘅實木材質，相同嘅顏色同質感，構成統一和諧嘅視覺效果，從而無形中擴闊左空間面積。另外木料材質具有極好嘅溫潤同自然美感，不妨一試。
選擇小巧多功能傢俱
沙發床、茶几等，既可節省空間位置，又可增加收納空間，顯得更為闊落。大家可以考慮選擇坐墊下隱藏收納櫃嘅沙發，平時睇嘅雜誌、小朋友玩具、地毯等零碎物品，盡可能收入其中，隨時取用。
注意光源問題
對於細空間而言，儘量避免喧賓奪主嘅大型光源，一盞造型簡約又別具風格嘅吊燈足以烘托氛圍，如果覺得照明唔夠,可以適當係天花中佈置射燈或隱藏式燈槽。
避免硬間隔
既然客廳面積有限，就唔好再設置不必要嘅間隔增加空間負累。通過牆面材質嘅唔同，將客廳、飯廳區域功能區分，一目了然，增加空間通透感。
注意空間細節處理
購買嘅茶几、燈具、小飾品盡量用同一色調，增強視覺效果，另外細空間可以適度利用鏡面來提升空間感都係唔錯嘅選擇，但是，切記唔可以過多。因為過多嘅鏡面容易令人產生緊張感同不適感。
(以上圖片均來自網路，如有任何版權問題，請與本站聯絡)
