裝修佬話你知：搬屋入住前清潔消毒方法
2016年10月17日
7
396228
現時好多朋友買樓、租屋極容易忽視嘅一點就係未消毒就入住了，或者請清潔公司來做清潔，但其實清潔師傅只會同你去除表面污漬污垢，望落乾淨但其實仲殘留各種細菌、病毒、霉菌等，如果上手住戶攜帶傳染病就可大可小。係呢個未知嘅空間入面潛在種種危機，所以係入住之前一定要徹底消毒後先可以安心入住。以下裝修佬教大家清潔消毒方法。
牆面、地面、傢俱物品：噴同浸
對直接入住嘅房屋，一般情況下用濕抹布或拖把打掃房間衛生，徹底清潔即可。如採取消毒處理，對防止傳染疾病更有好處。如果上手有或懷疑有傳染病病人，就必須對牆面、地面和傢俱物品進行消毒處理。
對於牆面、地面消毒，可用消毒劑進行噴灑消毒，噴霧量為5-15ml/尺，具體用量以表面完全濕潤為宜。對傢俱、物品可用含氯消毒劑浸或清洗消毒，30分鐘後再用清水清洗抹乾淨。
室內空氣：關窗關門開櫃櫥
係入住前應關閉房間門窗，打開房間內所有櫃同櫃桶，用含氯消毒劑溶液對房間進行噴霧消毒。消毒時按先下後上、先左後右順序進行，噴霧高度應在2米以上，噴霧後1個鐘後再開窗通風、換氣。如果上手無傳染病病人，一般房間唔需空氣消毒，係入住前開窗通風即可。
廚房：徹底濕式清掃
廚房係確保人體健康、預防病從口入嘅重點位置。入住前應首先對地面同牆面進行徹底濕式清掃。廚具、刀、砧板等炊具可先用萬潔靈清洗乾淨，再滾水消毒15-30分鐘。係滾水消毒嘅時後，水面一定要蓋過炊具表面，炊具最好直立放置而唔係疊放，咁樣可以令滾水接觸用具各個部分，達到徹底消毒嘅目的。水槽同檯面可用消毒劑抹或浸半個鐘後再清洗。
廁所：重點清洗消毒
廁所大多潮濕而且通風差，係病毒滋生同傳播嘅首要來源。所以，廁所一定要認真清潔。清洗消毒主要包括洗手盆、毛巾架、掛鉤、浴缸、水龍頭、門柄、馬桶及其坐墊等，玻璃鏡面、地面亦需清潔同消毒處理。
洗手盆、浴缸、馬桶應先用清潔劑將其清洗乾淨，加入消毒劑浸泡1個鐘後，再用清水沖洗乾淨。水龍頭、門柄同馬桶坐墊等，可用含氯消毒劑清洗。牆面和地面可用漂白水噴，廁所一定要注意通風透氣。
冷氣機：濾網、蒸發器消毒
冷氣機用完後，其濾網同蒸發器入面存積著大量灰塵同污垢，容易滋生細菌微生物。使用時細菌、病毒、霉菌同灰塵就會被冷氣吹出來，直接吹散到室內空氣中，對人體造成潛在或直接危害。所以，係使用前要對冷氣進行徹底清洗消毒。
冷氣機清洗時，先關閉電源，再打開蓋板，卸下濾網並用水洗去灰塵，瀝乾水分後，再將濾網完全浸係消毒劑劑中，浸1個鐘後用清水沖洗乾淨、瀝乾水分後裝入冷氣機。蒸發器嘅進風面，尤其係蒸發器鋁片空隙，可用冷氣機專用清洗消毒劑噴灑消毒劑後，注意按照說明書上指示。
(以上圖片均來自網路，如有任何版權問題，請與本站聯絡)
