裝修風水學:客廳掛鐘擺放禁忌

2016年10月18日
4
153067
相信絕大部分家庭都會有掛鐘,尤其係客廳。掛鐘除咗帶俾我地準確時間,市面上各式各樣嘅掛鐘更成為一件裝飾品。現時買樓要睇風水,裝修要睇風水,傢俱擺設都要睇風水,當然,客廳掛鐘風水就係其中一樣。究竟掛鐘方面有D咩講究同注意事項呢?裝修佬話你知。

裝修風水學:客廳掛鐘擺放禁忌
 
掛鐘唔對門口 

掛鐘唔應該對著任何門口,一般應向著開揚地方擺,如窗外。因為鐘有鬥煞作用,可以抵擋窗外煞氣。

沙發上方不宜掛鐘 

沙發上方不宜懸掛掛鐘,容易令人心神不寧,身體亦容易出現問題,影響屋企人健康。 

客廳正中唔掛鐘 

客廳掛鐘忌朝內,朝門或陽臺方向比較好。因為當室內無人時,氣係靜止嘅,掛鐘嘅擺動可以令氣流動,令室內充滿活力。而客廳正中唔好放掛鐘,鐘諧音終,寓意唔好,如果一入門就見鐘(終),係非常唔吉利,應以掛門側旁為吉。 

掛鐘宜擺南面 

掛鐘宜擺放或懸掛於住宅朱雀方即南方,因為朱雀方即前方,前方本屬於動者。而鐘嘅顏色應以紅色、紫色、橙色為主,形狀以八角形為吉利,因為呢個方位屬火。 

東南方宜青綠色掛鐘 

掛鐘如果要掛於客廳東方或者東南方,則選擇青色或綠色,方形嘅掛鐘比較吉利。 

西北方宜白金色掛鐘 

客廳西北方亦適合掛鐘,顏色以白色、金色為宜,圓形掛鐘比較適合呢個方位。

唔適宜掛鐘方位 

客廳西方係風水上嘅凶方,唔適合掛鐘擺放,北方宜靜不宜動方位,亦唔適合掛鐘。 

裝修佬溫馨提示 

現代風水學認為,掛鐘嘅擺動同打鳴聲,可以提振、清新家中氣場,時鐘有韻律嘅滴答聲,會令家庭生活帶來更多規律同節奏感。但係如果掛錯地方,容易對屋企產生不利影響。係選擇掛鐘時,有D人喜歡標新立異,唔建議揀D比較奇特形狀嘅掛鐘,圓形或者方形係風水上比較好,亦可以選擇一D有富貴吉祥嘅圖案,咁樣有利於相互中和掛鐘風水。

(以上圖片均來自網路,如有任何版權問題,請與本站聯絡)

裝修風水學:客廳掛鐘擺放禁忌
巨龍
187篇