室內設計經驗分享：睡房顏色配搭有技巧
2016年10月19日
8
379745
你可以無一個舒適嘅客廳，但絕對唔可以無一個舒適溫馨嘅睡房。我地每日係床渡過大概8個鐘嘅時間，所以，睡房嘅環境相當重要。睡房顏色搭配得當嘅話，就可以輕鬆提升舒適度，令我地有個優質嘅睡眠環境。以下裝修佬同大家分享睡房顏色嘅配搭技巧。
紅色—失眠、神經衰弱、心血管病者忌用
新婚者居室宜選用鮮豔濃烈嘅紅色，既為房間增添喜慶氣氛，同時可以刺激神經系統，增加腎上腺素分泌，促進血液循環。但接觸紅色過多，會令人產生焦慮情緒。所以，失眠、神經衰弱、心血管病患者不宜使用紅色家居裝飾，以免加重病情。
金黃色—抑鬱症、狂燥症者大忌
金黃色易造成情緒唔穩定，所以，患有抑鬱症同狂燥症嘅朋友唔適宜用金黃色。
淡綠色—舒緩緊張情緒
急躁者宜用
情緒唔穩定容易急躁嘅朋友，居室宜用淡綠色，以便令精神鬆弛，舒緩緊張情緒。一般而言，睡房顏色以淡雅色彩居多。
粉紅色—孤獨症、精神壓抑者適宜
發嬲嘅朋友望粉紅色，情緒會好快冷靜落來，因為粉紅色可以令人嘅腎上腺激素分泌減少，從而使情緒趨於穩定。孤獨症、精神壓抑者不妨選擇粉紅色，但切忌過多採用，因為過多會令人感覺煩躁。
淺橙黃色—誘發食欲
有助鈣質吸收
長者居室用淺橙黃色，可以誘發食欲，有助於鈣質吸收，令人精神振奮，心情愉快。或選擇藍色，有助於減輕頭痛、發熱、失眠等症狀。、
藍色—電腦、上班族適用
倘若居室主人患有高血壓或心臟病，最好用淺藍色，以利於血壓下降、脈搏恢復正常。另外，藍色仲適合用腦過度嘅上班人士。
青藍色—影像視覺，減輕疼痛
青藍色會影響視覺、聽覺同嗅覺，可減輕身體對疼痛嘅敏感度。手術後傷口正在恢復嘅患者可以選擇青藍色嘅家居用品，或者乾脆將房間顏色油成青藍色。
紫色—可維持體內鉀平衡，有安神作用
紫色雖然有安神作用，但對運動神經同心臟系統有壓抑作用，所以心臟病患者應慎用紫色。
睡房盡量以暖色或中色調為主，冷色或反差大嘅顏色盡量少用，牆面、地面、天花、窗簾、床單係構成睡房顏色嘅主要來源。如果發現色彩唔協調，可以通過中性色如黑白灰來調整，亦可以通過一D擺設如花草盆栽、裝飾品來中和返，切忌顏色過於豐富，但又唔可以完全用於一隻色，正所謂物極必反。
(以上圖片均來自網路，如有任何版權問題，請與本站聯絡)
