裝修佬話你知：識別牆紙質量方法

2016年10月19日

346598

比起白雪雪嘅牆面來講，牆紙更美觀、更富質感、花款多、施工方便等好處，深受消費者歡迎。現時市面上嘅牆紙種類繁多，大家係選購方面好容易迷失方向，牆紙究竟應該點揀呢？唔想俾人搵笨就要做足功課，以下裝修佬話你知識別牆紙質量方法。

摸：手感同韌性

有人以為牆紙越厚越好，其實係一個誤會。牆紙嘅質量主要以紙質、工藝同韌性有關，同厚薄其實無直接關係。係用手鑒別牆紙時，最主要係睇手感同韌性，特別係植絨類牆紙，最容易感覺出好壞差別，通常手感越柔軟舒適，說明質量越好，柔韌性越強。

聞：劣質牆紙有異味

真正環保牆紙係無味，但如果係劣質材料製作，就會有陣刺鼻氣味，認真聞就可以聞出來。睇：花色同介面鑒別牆紙嘅好壞，首先睇牆紙表面顏色是否均勻，是否有色差同滲色、模糊情況等，通常圖案越清晰越好。其次睇織數同細膩度，主要針對無紡布同牆布等，要睇正反兩面，通常表面布紋密度越高，代表質量越好。另外可以通過樣品睇牆紙介面，一般紙質介面較差，翻多咗介面會有磨損起毛現象。

浸：測試防水防霉性

因為牆紙係紙質，好多人都擔心佢嘅防水效果，可試倒一滴水係牆紙上面，如果等咗2~3分鐘，水仲未滲透，代表呢款牆紙嘅防水唔錯，反之代表牆紙防水性唔夠好。

擦：測試耐磨耐污糟性

牆紙嘅耐磨耐污糟係不容忽視嘅一點，建議係選購過程中，用鉛筆在紙上畫幾畫，再用膠擦擦，一般優質牆紙即使表面有凹凸紋理，亦好容易抹乾淨，如果係劣質牆紙，就好容易擦爛或擦得唔乾淨。

(以上圖片均來自網路，如有任何版權問題，請與本站聯絡)

本文章內容及圖片均由本專欄作者提供及上載，並不代表本公司立場，如有任何版權問題，請與本公司聯絡。

關键字：裝修; 裝修佬; 牆紙;