木門翻新攻略2020：轉色/貼紙/防潮油漆/修補注意事項(二)
木門翻新可以令人一入屋就有新感覺。木門係我地每日都會使用到嘅一部分，但木門用耐咗，表面開始發黑變粗糙？臨近年尾，係修補翻新木門嘅好時機，如果唔知價錢、轉色用咩油漆，光油點用，防潮油漆又洗唔洗髹，就一齊同裝修佬學埋木門翻新方法part 2啦！
木門油漆顏色選擇
木門翻新嘅時候，油漆顏色款式多，其實可以隨意選擇，不過，需要留意，如果原先使用嘅係清油，且顏色較深，使用淺色漆就無法覆蓋，除非係用更深顏色將原先顏色覆蓋住。
木門翻新注意事項
如果進行木門翻新，距離第一次油油漆時間越耐越好，因為進行翻新時，原來嘅基底已經乾透，就唔會影響再次噴漆結果。
木門顏料分水性油性
木器漆施工時，油漆款式有水性油性。如果用嘅係水性木器漆，只需要按比例用水稀釋，而如果用嘅係油性漆，就必須嚴格按照說明上進行調配。
選用細砂紙打磨木門
木門翻新施工時，唔可以為咗貪快而用粗砂紙，應該用細砂紙，咁會打磨得更細膩，漆膜嘅附著力會更好。
木門補漆切勿太心急
一般來講，油兩次底漆三次面漆便可，但每次需要間隔4-6個鐘先可以油第二次漆，如果貪快，隔1-2個鐘就油第二次漆，漆膜未乾透，會影響最終效果。
木門翻新步驟 先拆後上色
木門翻新大多係室內進行，最好將門拆落來放到專門房間內進行油油漆效果會比較好。咁樣一來無粉塵，減少環境污染，二來可以將門嘅正面同背面望得一清二楚。如果直接係門度油，噴嘅時候容易產生霧氣，影響視線，從而影響噴塗效果。
木門修補後 剩餘油漆處理方式
水性木器漆係用完之後，對於剩餘嘅漆，可以存放係陰涼地方繼續保存，以備下次所需。而油性漆添加咗固化劑同稀釋劑，只可以一次性使用。
舊木門翻新貼紙
舊木門表面貼紙保護係舊木門翻新嘅方法之一，貼紙以其環保、方便、快捷嘅施工方法非常適合無時間油漆嘅朋友。揀材料同種類嘅時候，儘量從安全環保角度出發，選擇優質木門貼紙。
裝修佬溫馨提示
關於油性漆有兩點要話俾大家知，第一，如果要清洗油性漆，需要搭配溶劑同清潔劑，第二，用油性漆來油物品或牆面時，必須保持工作環境通風，最好關閉周邊電源、禁止吸煙以確保安全。另外一定要嚴格按比例選用配套嘅稀釋劑、固化劑，以免造成咬底、皺皮等問題。施工完成後，廢棄嘅塗料應該妥善處理，注意及時清洗工具。
想了解有關木門設備選擇的資訊，請瀏覽裝修佬專欄：
(以上圖片均來自網路，如有任何版權問題，請與本站聯絡)
