【家居達人】秋冬轉季衣物收納技巧．一
2016年10月23日
12
396132
轉眼就快到年尾，意味著係時候要大執衣櫃擰返冬天衫出來過冬啦，房屋資源緊張，屋企衣櫃空間有限，處理堆積如山嘅衣物需要勇氣同技術。以下裝修佬教大家衣物收納技巧part 1，你絕對唔可以錯過！
增加儲物盒、儲物櫃
輕便嘅夏裝收納起身並唔會佔用太多空間，準備儲物盒同儲物櫃，整理起身會比較方便，亦可以為衣櫃預留出空間收納冬季衣物。
分區放置高效整合
對於唔同種類嘅衣物，採用唔同收納工具放置後，就需要係衣櫃搵到適合嘅擺放空間一次排列組合，既要有效利用空間，亦要考慮到日常生活嘅便利性。
上層空間：因為其高度唔方便平時存取，可以將被、過季衣物放係儲物盒中疊放或者係平排放係上面。中間位置：存取最方便嘅高度，可以放掛衫鉤，用於掛放外套。下層空間：係外套下放個櫃桶或分割盒，放置底衫、頸巾、皮帶、領呔等比較零碎但每日需要用嘅物件，方便取用。抽屜、分割盒下面可以擺個掛衫杆或褲架，用來放置需要掛起身嘅裙、褲。最下層可以擺拉籃、櫃桶，用於放置可以疊放嘅衣物。
儲物盒上貼標籤
夏季衣物材質各有不同，T恤可以卷埋，收納起身唔會佔用太多空間。存放使用率低嘅衣物，或者係過季嘅衫。可將衣物放係儲物盒內，望落整潔。儲物盒可以有效防塵防土，為方便日常查找，另外可以係上面貼標籤，注明衣物種類。
衣櫃內放儲物箱
其實衣櫃度有好多小空間可以利用，唔好被衣架固有嘅格層掛杆限制住，衣櫃門或櫃體嘅內面可以創造空間，係唔影響櫃門開關同放置衣服嘅前提下，準備幾個儲物箱，可以大大提高衣櫃嘅儲物量。
衣架同衣物顏色分類
衣架尺寸同衣物顏色要統一，先將同樣大細嘅衣架分類，掛衫嘅時候就會較為整齊，係視覺上亦唔會有凹凸情況發生，而且衣架同衣物顏色最好統一，咁樣望落就會整齊美觀。衣物疊放時，疊放嘅衣服深色同淺色要分開收納，避免出年著時，衣物相互染色。底衫可以卷起身收納，既節省空間又容易存取。
衣櫃換季要注重分類收納
要做好衣物收納，首先要做好分類工作，就係對衣櫃內部空間進行再分配。冬裝掛係順手位置，夏裝可以收納係高處或唔顯眼位置，便於使用時，快速找到需要嘅衣物。
根據衣料分類
根據衣料做分類收納，圓型衣架，適合掛長褲、牛仔褲、短褲等衣物，咁樣唔會容易令褲嘅褶線處產生折痕。而棉質襯衫、T恤，最好用折嘅方式收藏，咁唔會因懸掛而令肩部地方變形。
真空袋係好幫手
將一個季度嘅衫收納起身的確會比較多，呢個時候真空袋係好幫手。市面上有唔同大細嘅真空袋，將所有需要收納嘅衣物放入再抽走裡面空氣便可，每個真空袋節省嘅空間約有4成，咁就可以有更多空間放置其他物品。
(以上圖片均來自網路，如有任何版權問題，請與本站聯絡)
