裝修佬話你知：AA超能膠去除方法 (百德胶溶解方法)
2016年10月28日
22
396228
AA超能膠/百德胶相信大家都唔陌生，生活上或者DIY時好多時候，我地有物件斷咗都會買支返來黐返實，但係使用過程中，好多人會唔小心將膠水整到落隻手指度，洗又洗唔到，非常辛苦。其實，膠水黐到手又有乜好怕哦，以下裝修佬傳授AA超能膠嘅清除方法，一齊分享俾你身邊嘅朋友啦！
膠水黐手點算好？
天拿水，用乾布沾少許香蕉水擦洗就可以去除。
汽油，用小小汽油擦係上面，搓幾下就可以輕鬆去除。
暖水，用暖水浸一陣就可以去除，呢個方法比較天然唔傷皮膚。
洗甲水，用棉花沾少許洗甲水輕輕一抹，膠水立即去除。
丙酮，膠水黐住之後用丙酮抹可立即去除，如果大面積黐到膠水，將丙酮適量擦係需要地方，大約等5～10分鐘就可以去除。
白醋，用棉花棒沾D白醋擦係患處，等醋散開之後再用棉花棒係上面不停摩擦，膠水就會自然剝落
其實用超能膠之前，係手上擦D凡士林等油性较强嘅潤膚乳，可以防止黏手之苦。
其他地方去除方法
丙酮
AA超能膠係一種樹脂膠，只要用溶解樹脂的有機溶劑就可以，比如丙酮。大約等5～10分鐘就可以除去，但吸入丙酮有毒，注意使用方法。如果用丙酮清除衣物上嘅膠水，先要確定衣物無含醋酸纖維，先可以使用丙酮，如果面料係全醋酸纖維織品，纖維就會溶解而無法修復。
以毒攻毒
如果係比較硬，唔怕水嘅地方黐到膠水，可以係黐住嘅地方再滴小小膠水，然後即刻用水清洗。
天拿水
用天拿水滴係膠水漬上，同時用舊牙刷不斷刷，等膠水跡變軟剝落，再用清水冲乾净，反覆幾次便可，記得用天那水嘅時候要帶手套，以免天那水腐蝕皮膚。
熱毛巾
可以用濕嘅熱毛巾敷係患處，約十幾分鐘後膠水就會變軟。
雪櫃冷凍
放係雪櫃冷凍格，等一段時間後擰出來，膠就會可以去除。
超能膠溶解液
市面上有超能膠溶解液，不妨買一支擺係屋企看門口。
如果想知道有咩超能膠係好用既，可以留意裝修佬專欄既另外一篇文章：裝修佬好幫手-耐撞擊超能膠，了解更多有關超能膠既知識。
(以上圖片均來自網路，如有任何版權問題，請與本站聯絡)
