裝修佬話你知：床褥發霉處理方法
2016年10月28日
3
370016
床褥我地每日都瞓緊，而我地係熟睡嘅時候身體會有汗水分泌物排出，久而久之，床褥就成為咗細菌、霉菌嘅溫床，直接影響身體健康。室內潮濕床褥好容易會發霉，咁床褥發霉點算好？裝修佬話你知。
床褥受潮發霉處理方法
室內潮濕度太高，就要多開窗通風，降低濕度，將發霉床褥用滴露消毒液刷洗乾淨，在太陽底下曝曬2日。
擺D臭丸係床褥裡面，保持床褥周圍乾燥，再用高溫嘅白熾燈對床褥內部烘乾。
用白醋擦洗發霉地方，擦洗完後再用清水濕布抹多幾次，再開窗令太陽光曬，醋可以消毒殺菌，而殘留嘅醋味就噴香水就可以覆蓋。
可用刷沾D濃番鹼水刷洗發霉位置，再用暖水沖洗一次，霉斑就可去除。
如何去除床褥異味
新床褥所造成嘅異味，可以將其放置係陽光充足且通風地方，約一個星期左右，異味就可以消除大半，至於殘留味道，可以通過噴空氣清新劑來遮蓋。平時日間要將睡房門窗打開，以便異味散發，影響身體健康。
將新床褥上塑膠膜撕走，然後放到露台通風地方，放一段時間就無味。
係床褥內部塞入木炭，木炭嘅超強吸附能力，可以有效吸附有害化學物質。
用薰衣草除異味，薰衣草天然無任何副作用，而且清香宜人，有助入睡。
(以上圖片均來自網路，如有任何版權問題，請與本站聯絡)
