裝修佬話你知：防止牆紙裂開方法（二）
2016年11月15日
8
372047
同潮濕嘅春天相比，乾燥嘅秋天係牆紙特別容易裂開嘅時候，想防止牆紙裂開，施工階段係關鍵。既然我地無辦法阻止天氣乾燥導致牆紙嘅裂開，我地唯有係牆紙裂開後做補救，以下裝修佬教大家防止牆紙裂開嘅方法，一齊去文！
選購優質牆紙
啱啱貼完無耐嘅牆紙出現局部翹起，甚至裂開、脫落等情況，天氣乾燥係主要原因，但係牆紙質量亦有一定影響，選購嘅時候，最好選擇抗老化，翹起等性能突出嘅牆紙。
常見牆紙種類
目前市面上常見嘅牆紙主要有：純紙牆紙、PVC牆紙、無紡紙牆紙、織物牆紙、植絨牆紙、布基牆紙、金箔牆紙、玻璃纖維牆紙、矽藻土牆紙等。
勿忽視牆紙膠水質量
鋪貼牆紙，注意選購優質嘅牆紙膠，牆紙膠水首先注意環保性，其次粘度要高，能有效提高牆紙粘接力，防止牆紙裂開，翹邊等。
鋪完要注意防風
牆紙鋪完3日後，要注意通風，日間保持適當通風，但唔可以大開門窗導致牆紙迅速失水，影響黏貼度，夜晚要關閉門窗，防止濕氣進入。
鋪完要小心保護
成間屋嘅裝修過程中，牆紙應該最後先鋪，而鋪牆紙時溢出嘅膠水，應及時用乾淨毛巾抹乾淨，尤其係連接位嘅膠痕要處理乾淨，鋪牆紙時手同工具保持清潔。
乾燥天氣遠離火源
居家安全應時刻有防火意識，即使係防火嘅牆紙，遇到高溫亦難免發生危險，秋天係火災高發期，牆紙應遠離火源，如煙頭、蠟燭、火爐等儘量唔好靠近牆紙，即使無引起火災，亦會容易令牆受熱乾裂、變形等。
牆鋪後要注意保養
牆紙保養非常重要，係牆面裝修完之後，及時保養可以延長牆面壽命，保持居家環境長久美觀。
(以上圖片均來自網路，如有任何版權問題，請與本站聯絡)
