裝修風水學：露臺轉運吉祥物有邊D
2016年11月24日
7
184257
露臺嘅存在可以令增加室内採光，視綫廣闊，空氣清新，仲可以賣貴D添，露臺咁多好處，相信每個朋友都想擁有。唔講唔知，原來係露臺放置一D轉運嘅吉祥物可以改善家居風水，提升運勢，咁究竟露臺嘅轉運吉祥物有邊D呢？裝修佬話你知。
種植物盆栽
係露臺種植3盆或5盆樹盆栽，具有招貴人功能，尤其適合從事商業或業務工作嘅朋友，種植幾盆芙蓉、紅玫瑰亦可以發揮招納吉氣嘅效果，同時可以化解室內犯洩氣嘅問題。
掛風鈴
有D朋友命理缺金，或者露臺係財位，可以係露臺掛風鈴，唔單止聆聽鈴聲撞擊時發出嘅清脆聲，還有催財、旺財嘅作用。
風水輪招祥
由室內面向露臺嘅左便，放置風水輪，等風水輪滾滾流動水氣，招收各路財富，而且流向自已屋企，充實財庫，除咗坐收財氣之外，對職場運勢亦頗有幫助，可以招貴人。
水晶洞補強
天然水晶洞具有放射同接收磁場能量，可以係露臺放一個紫水晶，但需要注意日頭需將水晶洞口朝外，黃昏時要將紫水晶洞口朝向屋內，先可以令日頭吸收嘅好能量散發屋內。
寫字當符令
準備一張紅紙，剪成硬幣大細，上面用黑筆寫個火字，貼係露臺牆面，以作為擋煞之用，對於驅逐無形煞氣，具有一定作用。
泰山石
如果露臺外面有煞氣向室內輻射，比如尖角煞、樓角、煙囪、電線杆、發射塔等各種煞氣，可以係露臺上對著煞物放一個泰山石來化解。
(以上圖片均來自網路，如有任何版權問題，請與本站聯絡)
