件衫洗完縮水點算好?裝修佬話你知

2016年11月27日
8
30449
相信好多朋友都有試過新買件衫洗一次就縮水嘅情況,丟又唔係,著又唔係,認真頭痛。其實,解決縮水嘅問題好簡單,只要係清洗時注意D小細節,知道洗衫竅門就可以輕鬆解決,雖然唔可以完全恢復原先形狀,但可以令衣物嘅纖維鬆弛落來,係最大程度給予補救。究竟有咩竅門呢?裝修佬話你知。

 
首先係盆中裝滿暖水,然後加入少許嬰兒用嘅洗頭水或者護髮素,充分攪拌混合。然後將縮水嘅衣物浸入水中,浸5分鐘左右,將衣服擰出來擠乾水分,然後平鋪係乾毛巾上面,將毛巾同衣物一齊卷起身,過幾分鐘後打開毛巾擰出件衫,拉伸到合適大細,然後正常晾乾。經過呢幾個步驟,縮水嘅衣物就能夠恢復了。 

嬰兒用嘅洗頭水同護髮素可以鬆弛縮水衣物中嘅纖維,令纖維變得更容易拉伸,所以能夠恢復原狀,不過拉扯衣物時一定要準確測量,不要過度拉扯造成衣物變形。 

另外,好多人發現啱買嘅恤衫著住好啱身,但洗咗兩次就會發現變細、縮水,咁恤衫點洗先唔縮水呢?    

首先係清洗前要先解開件衫上面開所有紐,避免係清洗過程中將紐洗松或者洗甩,清洗前要記得將恤衫領撐擰出來,無論係自己清洗或者送去乾洗鋪洗,清洗前要仔細閱讀標籤上面嘅洗滌步奏。

清洗過程中唔好用力搓洗,適當輕輕搓洗便可,搓洗完後唔好擰乾,直接係水中擰起身晾乾,純棉恤衫唔可以擺係洗衣機洗,否則會容易變形,要用手洗,然後自然晾乾,唔可以烘乾。另外,洗恤衫時水嘅溫度唔可以過高,晾衫嘅時候要留意,白恤衫唔可以係陽光下暴曬,否則會容易變黃,要係通風陰涼處風乾,風乾後亦唔可以將恤衫折埋,咁樣會容易皺,要將恤衫晾掛起身,可以增加恤衫嘅使用壽命。

(以上圖片均來自網路,如有任何版權問題,請與本站聯絡) 

件衫洗完縮水點算好?裝修佬話你知
不求人
9篇