裝修佬話你知:屋企自測水質方法
2016年11月28日
9
370026
早期嘅食水含鉛新聞相信大家都心慌慌，金屬鉛及其化合物對人體各組織均有毒性，中毒途徑可經消化道吸收，進入血循環而發生中毒。成年人鉛中毒後經常會出現：疲勞、情緒消沉、心臟衰竭、腹部疼痛、食欲不振、胃疼、失眠、便秘、噁心、腹瀉、疲勞、貧血、高血壓、關節疼痛、生殖障礙等症狀，孕婦鉛中毒後會出現流產、新生兒體重過輕、嬰兒發育不良等嚴重後果。當然，以上所講都可以避免，究竟有咩方法可以自測水質呢？又有咩方法補救呢？裝修佬話你知。
檢查屋企嘅熱水器、水煲內壁，有無結一層水垢，如有，代表水嘅硬度過高，鈣、鎂含量過高，要儘量用純水機來淨化，注意，硬度過高嘅水容易令人得各種結石病。
用乾淨無污漬嘅瓷碗裝滿水，對著光線足夠嘅地方睇下有無懸浮水中嘅細微物質，靜置三個鐘左右，然後觀察杯底是否有沉澱物，如果有，代表水中懸浮雜質嚴重超標，可以使用濾水器進行淨水處理。
用玻璃杯距離水龍頭儘量遠小小裝一杯水，然後聞下有無好大陣漂白粉(氯氣)嘅味道，如果聞到漂白粉嘅味道，代表自來水中嘅氯超標，必須使用濾水器進行處理。
熱飲滾水，有無漂白粉(氯氣)嘅味道，如果水嘅味道唔甜，反而有一陣漂白水味，呢個亦係漂白粉超標嘅情況。
用自來水泡茶，隔夜後觀察茶水有無變黑，如果茶水變黑就係自來水中含鐵、含錳嚴重超標，呢種水質應選用可以過濾鐵銹嘅濾水器進行處理。
品嘗煲過嘅水，口感有無澀澀地嘅感覺，如果有，代表水嘅硬度過高，硬度過高對自身影響非常唔好，裝修佬建議係水龍頭安裝濾水器。
裝修佬溫馨提示
食水含鉛我地無辦法可以阻止，要靠我地自己去解決，解決方法最簡單係購買一個質量有保證嘅濾水器，除此之外，水龍頭嘅質量亦都唔可以太差，否則會影響本身無問題嘅食水。另外，現時好多家庭都有熱水供應，但係最好唔好作為飲用水或煮飯，因為熱水中鉛嘅含量比凍水高好多倍。自來水停用幾個鐘後，用前一定要打開水龍頭放水1~2分鐘再用，而且煲過嘅隔夜水唔可以飲用。最後裝修佬提醒大家，有D錢係唔可以慳架，身體健康先係最大嘅財富。
(以上圖片均來自網路，如有任何版權問題，請與本站聯絡)
