裝修佬話你知:砧板清潔消毒方法
2016年11月29日
7
398512
砧板相信每個家庭都會有，而且每次煮飯都會用到，砧板同食物直接接觸，衛生非常重要，但唔講唔知，係眾多廚房用品之中，最污糟嘅係砧板，佢隱藏嘅細菌竟然比馬桶仲要高200倍，俗語話病從口入真系無講錯！以下裝修佬同大家分享砧板嘅消毒方法，一齊分享俾你身邊嘅朋友啦！
白醋
切過魚嘅砧板會有陣腥味，只要倒D白醋，放係太陽下曬乾，然後再用清水沖洗，腥味就會消失。
鹽
每次用砧板後，都用刀將砧板表面嘅殘渣刮乾淨，每隔一個星期左右係砧板上撒一層鹽，既可殺菌，又可防止砧板乾裂。
洗米水
首先將砧板浸係洗米水中浸下，然後係水中加入小小鹽擦洗砧板，最後用熱水沖洗下便可。
太陽光
砧板唔用時應放到太陽光底下暴曬，因為陽光中嘅紫外線有殺死細菌嘅作用，暴曬唔單止可以殺死細菌，而且仲會令砧板乾燥，減少病菌繁殖。
滾水
先用硬刷同清水將砧板表面同空隙洗刷乾淨，然後再將砧板用滾水沖洗一次。
薑蔥
用生蔥或生薑將砧板擦幾次，然後用硬毛刷刷洗，最後用滾水沖，怪味就會消失，又起到消毒效果。
巧除塑膠砧板污漬
塑膠砧板由於表面有比較粗糙嘅紋路，所以係切蔬菜嘅時候，砧板會變得唔乾淨，紋理中含有蔬菜汁液，尤其係經過長時間切萊後，砧板上嘅剁痕會變得多咗，就更容易藏汁液，清洗起身會更麻煩。呢個時候你需要一張粗質嘅水磨紙，邊摩擦邊用水清洗，污漬就會消失得無影無蹤。
裝修佬溫馨提示
生熟要分開，由於生菜有較多嘅細菌同寄生蟲卵，砧板無可避免地會受到污染，如果來切熟食，就會令熟食污染，所以最好備有兩塊砧板。另外砧板用過後，用硬毛刷同清水刷洗，將污物連同木屑一齊清洗，如果留有魚、肉等腥味，可用落咗鹽嘅洗米水或洗潔精清洗，然後再用暖水沖，注意唔可以要滾水淥，因為肉嘅蛋白質會殘留係砧板上，遇熱就會凝固起身，唔易洗淨。最後，砧板用一段時間後，可用菜刀將砧板上嘅木屑刮下，令砧板上嘅污物徹底清除。
(以上圖片均來自網路，如有任何版權問題，請與本站聯絡)
