室內設計經驗分享:3種適合細單位嘅裝修風格

2016年12月17日

142685

香港地呢個地少人多，寸金尺土嘅地方，細單位成為咗眾多人士上車買樓嘅首選。正當你頭痛緊細單位應該採用邊種裝修風格嘅時候，裝修佬默默咁為大家呈現上3種適合細單位嘅裝修風格，究竟係邊3種？裝修佬話你知。

歐式風格

對於細單位嘅房屋來講，主要問題就係空間不足而導致成個空間望落雜亂無章，對於細單位裝修風格嘅分類來講，歐式或者唔係太多人接受到，但如果識得利用，歐式風格一樣可以令細單位中搵到生存空間。係細單位嘅裝修風格中，歐式風格嘅色調一定要把握住，主要以淺色為主，先可以見到更加有空間感，同時提高明亮感，視覺上可以得到放大。

現代簡約風格

細單位總體來講比較適合現代簡約風格，因為呢種風格可以令細單位望落更時尚明亮，不過裝修風格來講呢，現代風更要係簡約方面落功夫，係成個裝修過程中，需要確定嘅原則就係一定要務求簡單，明亮，通透，正所謂，簡單就是美。

田園風格

細單位嘅裝修風格分類中，田園風格係屬於比較休閒嘅一類，細單位中打造田園風，可以令自己嘅房屋望落係一個休閒空間，不過係打造呢種裝修風格嘅時候，可以係牆紙同裝飾品度落手腳，令房間更加添溫馨感。

(以上圖片均來自網路，如有任何版權問題，請與本站聯絡)

本文章內容及圖片均由本專欄作者提供及上載，並不代表本公司立場，如有任何版權問題，請與本公司聯絡。

關键字：裝修; 裝修佬; 室內設計; 設計風格; 細單位;