裝修佬話你知:金屬傢俱保養方法
2017年01月12日
6
373972
金屬傢俱有環保、防火防潮、節約空間、堅固耐用等好處，越來越多年輕人選擇金屬傢俱佈置家居，令家居更突顯現代感。金屬傢俱雖好，但如果唔注意保養，會直接縮短傢俱嘅壽命，造成不必要嘅浪費，以下裝修佬教大家金屬傢俱嘅保養方法。
金屬傢俱分類
噴塑傢俱
噴塑傢俱如出現污漬，可用濕抹布抹乾淨後再用乾布抹乾，注意唔好留存水分，使用中留意，無論係邊種金屬傢俱，移動時都要輕手輕腳，避免碰撞，都要避免觸及硬金屬件，如刀、鎖匙等，以免造成刮傷，折疊時唔好太過用力，保證折疊部分唔受損。
鍍鉻傢俱
鍍鋁傢俱唔可以放係潮濕處，否則容易生鏽，甚至導致鍍層脫落，鍍鉻膜如出現黃褐色網斑，可用中性機油抹，可防鏽跡擴大。如已有生鏽處，可用毛刷沾機油塗係生鏽處，等一陣再抹，直到鏽跡清除為止，切忌用砂紙打磨，唔用時可上一層防鏽劑，放係乾燥處。
鍍鈦傢俱
真正優質鍍鈦傢俱唔會生鏽，但最好少同水接觸，經常用乾布抹，以保持光亮、美觀。
金屬傢俱保養技巧
金屬傢俱擺放嘅位置最好避開陽光照射，以免油漆變色、漆層乾裂剝落、金屬出現氧化變質等情況。
鍍鉻傢俱唔可以放在潮濕處，否則容易生鏽，甚至導致鍍層脫落。
潮濕對金屬傢俱嘅殺傷力不可忽略，傢俱清潔時，可用濕布抹，但唔可以用水沖洗，忌用熱水清洗金屬傢俱。
如果傢俱已生鏽，可用棉布展機油塗於鏽處，稍候片刻，用布抹便可消除鏽跡，若鏽跡已經擴大嚴重，則應請師傅維修。
運輸過程中儘量避免碰撞，防止表面損壞導致櫃體生鏽，避免同酸鹼液體接觸，防止櫃體被腐化，放置嘅地面要保持乾燥，防止受潮、鹼化。
(以上圖片均來自網路，如有任何版權問題，請與本站聯絡)
