裝修佬話你知 : 門鎖知多少
2017年01月16日
1
398443
作為一個屋企，又點可能無鎖呢，門鎖質量直接關係住我地嘅安全，有佢嘅存在令我地放心外出。現時市面上嘅門鎖有好多類型，佢地嘅防盜、安全效果亦都唔同，你又識唔識揀呢？以下裝修佬同大家分享各種門鎖嘅資訊，一齊去文。
材料
不鏽鋼，不鏽鋼比較適合作為門鎖，佢具有耐腐蝕，強度高，防火等優勢，較實用，但相對價格較高。
太空鋁，太空鋁質地柔軟，容易變形，較唔耐用、易氧化，使用壽命短。
鋅合金，鋅合金易鑄造，成本低，做出來嘅門鎖款式相當多，但同太空鋁一樣，耐用度唔夠，質地太脆。
門鎖分類
球形門鎖
球形門鎖係一般家用門鎖常用嘅一種，目前市面上嘅球形門鎖，設計大膽創新，製作工藝相對簡單，成本低，材質主要為鐵、不鏽鋼、銅，鐵用於內裡結構，外殼多用不鏽鋼，鎖芯多用銅。顏色、表面經過特殊處理，舒適方便、唔傷手。但呢種類型嘅門鎖，由於安全性能低，一般用於室內，唔會作為屋企最重要嘅防盜門鎖。
杆式手柄鎖
杆式手柄鎖製作工藝簡單，造價低，但安全性較差，一般用於室內門。材質主要為鐵、不鏽鋼、銅、鋅合金，鐵用於內裡結構，外殼多用不鏽鋼，鎖芯多用銅，手柄為鋅合金材質。
插芯鎖
插芯門鎖分為連體鎖同分體鎖兩種，呢種鎖嘅材質，大多數為銅、不鏽鋼以及鋁合金三種為主，用於房間門裝飾，亦可以作為大門防盜門鎖使用，安全性能較高，常用於大門，房門，寫字樓等。
玻璃門鎖
作為玻璃門配備嘅玻璃門鎖，係所有家用門鎖種類當中，玻璃門鎖嘅安全性係最好，玻璃門鎖唔需要開窿，而且安全性能好，美觀。
(以上圖片均來自網路，如有任何版權問題，請與本站聯絡)
