裝修佬話你知：年尾大掃除攻略(一)
2017年01月19日
2
374180
農曆新年係全年重大節日之一，好多人都會將屋企打掃得乾乾淨淨等過年，洗走邋遢，寓意洗走霉氣晦氣。但講起大掃除，可能好多家庭主婦都好頭疼，不知從何入手，特別廚房，頑固油污簡直投曬降，其實，大掃除都可以好輕鬆，以下裝修佬同大家分享大掃除攻略part 1。
廁所
廁所馬桶，平時就應該注意清潔，所以一般問題唔大，選用帶彎嘴設計嘅清潔產品，可以輕鬆將清潔劑擠射到難刷到嘅邊邊角角，令清潔更徹底。另外，裝修佬提醒，牙刷同毛巾先係廁所中最容易滋生細菌並被經常忽略，裝修建議大家，牙刷用完後一定要將刷頭朝上放置，保持乾燥，2~3個月要換一次，毛巾一定要注意用完後晾乾，新年雖然唔一定更換新毛巾，但應水煮消毒下。
灶台
人造石枱面質地較軟，應儘量避免用鋼絲球或含有金屬絲嘅百潔布清洗檯面，以防止表面磨花。其餘材質嘅枱面亦要儘量輕柔擦洗，最好唔用去污粉，因為其中含有石英砂一類嘅摩擦劑會容易形成劃痕。
抽油煙機
一般當日使用產生嘅油污，可用普通廚房清潔劑清洗，對於頑固污垢，可用專用嘅抽油煙機清洗劑。噴咗抽油煙機清洗劑後，唔好急住抹，一定要等抽油煙機清洗劑同油污充分融合，否則既浪費清潔劑又達唔到應有嘅除垢效果。以下裝修佬同大家分享抽油煙機濾網嘅清洗方法：
係不鏽鋼盆中裝三分之二嘅水，並係水中加入洗衣粉或廚房油污清潔劑，添加清潔劑量可以多D，再用力將清潔劑同水攪勻。
將加入清潔劑嘅不銹鋼盆放到煤氣爐加熱。
等盆中嘅水滾後，將抽油煙機濾網、油盒放入盆中然後熄火浸。
大約半個鐘後，濾網、油盒中嘅油污大部分溶於水後再刷洗濾網、油盒，最後用清水清洗，即可煥然一新。
微波爐
清洗微波爐時首先要關閉電源，用軟布沾取洗滌劑抹，然後將軟布清洗乾淨，抹2～3次便可，但切忌用抽油煙機清潔劑抹，否則會損傷微波爐內膽。如果用噴灑類清潔劑，一定要選擇經過無毒檢測嘅產品，使用時，唔可以噴係微波護網罩、電路同燈管上面，以免損傷微波爐，應噴係乾淨抹布再抹。
滾筒洗衣機藏係內桶同外桶之間嘅污垢平時睇唔到，可根據洗衣機嘅容量，將半支至一支白醋倒入洗衣機內桶，加暖水到3/4桶高，浸2～3個鐘，然後開動洗衣機10～ 20分鐘後，放走污糟水後再注入清水，沖洗10～15分鐘就大功告成。
水垢
如水垢唔嚴重，可用粉碎嘅雞蛋殼放於容器內用力搖勻以磨走水垢，如水垢較犀利，應使用酸性混合物嘅水垢清除劑，適用去除水壺、水樽、熱水器等容器內嘅水垢。
裝修佬溫馨提示
想廚房常用常新，最重要嘅就係平嘅清潔習慣，等油污極重時再清潔就非常困難，所以，抽油煙機1~2個星期清潔一次，石材類枱面唔好長時間積水，一旦有深色污漬要立即抹乾淨。另外，去污粉加鋼絲球野蠻清理，會令抽油煙機、灶台、瓷磚表面形成劃痕，污垢積聚一齊反而會難去除，而且會令表面粗糙失去光澤。
(以上圖片均來自網路，如有任何版權問題，請與本站聯絡)
