裝修CHALLENGE 2017

2017年06月19日

45942

「挑戰令生命充滿樂趣；克服挑戰令生命充滿意義。」面對CHALLENGE，你會選擇克服定逃避？只有接受挑戰，你先可以感受到勝利嘅喜悅！裝修佬認為生活中充滿住無限嘅挑戰，即使係平時比世人遺忘左，默默耕耘嘅裝修師傅都可以有企出來台前挑戰自己！所以裝修佬藉此舉辦「裝修CHALLENGE」，希望邀請各裝修界朋友接受Challenge，挑戰對手，挑戰自己！

全港人流量第一嘅裝修平台「裝修佬 www.hkdecoman.com」將於7月21日假白石BBQ燒烤場舉辦香港首屆「裝修CHALLENGE」，到時會由10間裝修公司／室內設計公司组成四人一隊嘅隊伍進行比賽，勝出隊伍可獲得由贊助商提供嘅豐富獎品，另外仲有水平儀、木工鋸、鎚仔、油漆卷等等各種裝修必備工具送比大家！

「裝修CHALLENGE」係一個挑戰速度嘅競賽，比賽項目有清拆、油漆、木工、水電，考驗各位裝修師傅嘅裝修技巧同埋時間掌握。自問係裝修達人嘅你，準備好接受挑戰未？Challenge其他人之餘都試下Challenge自己啦！是次比賽由裝修佬主辦，協辦單位有裝修巴打、Call師傅、裝修中伏大全得。另外有駱駝漆及犀利牌聯合贊助，比賽後仲有after party，由白石BBQ燒烤場贊助場地同食物，同埋藍妹贊助啤酒，等大家參加或觀賞完比賽後，可以開BBQ Party兼啤一啤！