【四大長老 : 公正行、消委會、海關、小額】
2018年02月08日
3
180850
唔經唔覺，新年將至。好多中伏報告。
十月開始裝修的...
九月開始裝修的...
八月開始裝修的...
中伏戶主一般可倚賴的有四大長老。本文與大家交流下他們的角色。有錯有漏有補充，歡迎指正：
1. 公正行——你肯定個判頭唔會消失既，先考慮搵公正行。否則俾錢出左報告對方又走左佬，你就蝕多一筆。同埋要搞清楚佢出份報告係講乜。例如佢係判斷你蒙受既損失，定係判斷個做錯左既櫃既價值，爭好遠。但呢個我最唔熟。如果有版友有經驗請分享一下。
2.消委會——大概要公司要有心維護商譽，消委會先做到野。如果係黑店，消委會分分鐘間接俾多個氹你踩。例如叫你去搵機電工程署check電有冇問題。機電工程署黎check，梗係要你合哂正式規格。所有常見既執生位都全部要修正，其實搞到自己。不過，消委會作為唯一一個會同你傾計既支援者，可以幫你了解你的基本法律地位同權益，也可將意見作參考。
3.海關——黑店係應該找海關。但注意海關只拉人，不追錢。個人俾佢拉左可能仲難完工。所以呢個只係少少威脅同懲罰性質。再講一次，海關只係執法而唔係幫你索償，要搞清楚。有咩啱搵佢地？凡有犯罪意圖的情況。特別係關於商品說明問題包括虛報工程進度呢D。
4.小額——呢個係神秘組織黎。因為就算你係律師，你都冇得check過往案例。網上講番出黎既又唔知幾成可靠。佢既好處係真係會有官判而且一個月搞掂。佢既唔好處係官判同追錢仲有一段路，可網搜一下。
保障有限的情況下，戶主應考慮leverage以下三個隱藏角色：
1.傳媒(版主介紹)
2.中介(如有經中介)
3.版主(幫你verify個case同幫手俾壓力你個中介)
基本上，睇得呢個page都係搵左我先架啦。但當然我唔會個個都幫。有些明明係戶主既問題或者好小事，我係會話番戶主轉頭或者唔理。
時間有限就一定係先幫最值得幫的。
---課程及講座---
↓ ↓ 即將裝修的朋友，極度推薦要參加裝修防伏班啊~~
【全新 ‧ 裝修防伏班】(2月10日)： https://goo.gl/HKC6ez
【家居維修DIY十項全能】(2月25日)： https://goo.gl/5rsKmJ
【裝修約章及裝修公司配對】：https://goo.gl/3DR46M
