家居配色法則(一)

2018年02月09日

4572

當大家新居入伙果陣, 梗係滿腦idea啦, 呢度擺電視櫃, 果度放餐枱, 再放埋張梳化, 咁就Fit曬, 但有一part,好多人都會忽略, 又或者知, 但又唔係咁敢亂來既, 就係配襯家居顏色啦.

尤其係牆身顏色係長遠性, 唔同一張枱, 一個櫃, 唔合心水, 可以隨時換, 換得既都可能係下次屋企大裝修既事, 揀錯左, 真係要日日夜夜對住佢…..加上中國人對家居顏色配襯方面, 又真係比較保守既,不過其實跟據以下法則, 配襯顏色就方便得多啦!

第一條：如果冇Desiger幫手, 我地首先將家居配色分為淺, 中, 深, 最保險既做法就係：牆身用較淺既顏色，地板就用中等色調，至於較深既顏色就用喺家俱上面。

第二條：喺廚房空間上面, 除左黃色之外, 盡量避免選用太多暖色調

第三條：除左黑白灰之外, 一個空間唔好用超過三種既顏色

第四條：黑色, 白色, 灰色, 我地所謂既中間色, 佢地係可以配搭任何既顏色, 做到中和既角色

本文章內容及圖片均由本專欄作者提供及上載，並不代表本公司立場，如有任何版權問題，請與本公司聯絡。

關键字：顏色; 家居顏色; 如何搭配家居顏色; 裝修; 裝修佬;