浴室裝修小知識(七) - 日式智能廁板VS智能座廁
2018年08月24日
3
80408
現代生活越來越講求品味享受，便捷人性化嘅智能家居產品普及各個家庭，小至一部手提電話，大至全屋裝修都息息相關。之前有睇過或者試用過智能廁板及智能座廁嘅朋友，相信都已經有瞭解，即使冬天有寒流，都唔怕坐到凍冰冰嘅廁板，如廁有幾咁舒服。
兩款產品都各有特色，但針無兩頭利，頭痕諗緊應該點樣揀？裝修佬以下同大家分析下智能廁板及智能座廁，做個比較俾大家參考。
*參考圖片INAX 日本製智能廁板（CW-RS3-W/BW1）
智能廁板
智能廁板安裝方便，可以直接係原本座廁上添加安裝，唔受排汙喉管限制，最緊要係價格親民，以低價錢就可以有齊智能座廁嘅基本功能如廁板恆溫、溫水清洗、暖風吹乾等，係入門升級嘅選擇。適合打算再搬屋人士，或者幫年老長者加裝。（詳情見浴室裝修小知識(五) : 智能廁板有咩好? https://hkdecoman.com/article/52588 ）
智能廁板雖方便，但佢畢竟後期加裝，有機會因為尺寸唔適合而安裝唔到，安裝後或會與原本座廁唔襯。另外由於需要後加淡水喉及電源，所以電線同喉管會外露，外觀上無咁簡潔，清潔時亦要額外留意。
*參考圖片日本製INAX – Regio 全自動智能座廁(尊爵黑)
智能座廁
智能座廁對比智能廁板功能更全面，例如自動沖水可以避免忘記沖水嘅尷尬、悅耳音樂令如廁過程更輕鬆、除臭抗菌保持長期清潔。使用智能座廁絕對係一種享受，好多朋友用完都讚不絕口，適合屋企準備大裝修完會自用長住嘅朋友。（詳情見浴室小知識(六) - 香港裝到智能座廁嗎? https://hkdecoman.com/article/52610）
如果想要有型特色嘅產品不妨考慮日系INAX智能座廁，佢有咩好？原裝日本製造有保證，低水量沖水技術沖廁更慳水、配合埋空氣清新機都會用嘅Plasmacaluster 技術，令廁所空氣清新。
選購前同樣要考慮到接駁淡水喉及電源，雖然安裝成本同智能座廁差唔多，但智能座廁單價上會較高~
有別以往傳統座廁，科技帶俾我地健康生活。無論係功能全面外觀好睇嘅智能座廁，還是方便安裝價錢親民嘅智能廁板都有優勢，但當然要根據返自身條件及廁所環境來選擇方為上策。
選擇完日式嘅智能座廁/廁板，好多用家都想設計個和式日系浴室。下一篇會解釋一下日系潔具，敬請留意啦~
其他常見問題
問 : 日常要點樣保養智能廁板 / 智能座廁?
答 : 智能廁板及智能座廁屬於用電產品，日常清潔唔可以浸到水，以免發生意外。如果長時間唔使用的話需要關閉座廁電源。
問 : 安裝智能廁板 / 智能座廁費用會很貴嗎?
答 : 智能廁板 / 智能座廁基本安裝的費用約為HKD 2800左右(市場參考價) ,需要視乎現場環境而定。
問 ：智能廁板 / 智能座廁嘅水洗功能有咩用？
答 ：人體肛門附近有多個皺褶位，一般廁紙難以完全清潔乾淨。有見及此，智能廁板 / 智能座廁嘅暖水沖洗及暖風烘乾功能可以洗凈皮膚，預防感染。對於行動不便嘅老人家及孕婦都更安全。
