裝修佬話你知 : 玻璃膠與填縫膠嘅分別
2018年09月09日
9
398795
近年興起一陣DIY熱潮，越來越多戶主都願意亦都鐘意自己落手落腳，幫屋企進行一啲小維修工序；其中最普遍嘅就係使用唔同種類嘅「膠」修補罅隙喇 ~ 而當中最多戶主遇到嘅問題，就係分唔清玻璃膠與填縫膠嘅分別，唔知用邊種膠先適合… 不如等裝修佬話你知兩者嘅分別啦 !
玻璃膠
玻璃膠主要用於潮濕地方，例如係浴室嘅洗手盆、企缸、浴屏同牆身之間嘅罅隙，就算長期濕水都冇問題，有效阻隔水份流入牆身。而犀利牌防霉中性玻璃膠有獨特配方，乾後唔收縮，加上防霉配方，防止霉菌增生，令玻璃膠更耐用 ! 但要注意一件事，玻璃膠?顏色選擇上唔多，又唔能夠喺上面髹上水性油漆，未必能夠滿足所有家居裝修需要呢 ~
填縫膠
而填縫膠與玻璃膠用途有啲相似，不過條件係使用位置係唔能夠長期濕水的，例如係組櫃、門框、地腳線等等位置都適合用到填縫膠呢。而犀利牌彈性填縫膠更具備特強彈性，專門針對建築物收縮使用，減少裂縫出現，加上填縫膠乾後亦可髹上水性油漆，更加容易配襯家居環境 ~
裝修佬小總結
各位DIY新手、達人喺使用呢種膠之前，記得要考慮位置會唔會長期濕水，將呢件事放到最前就唔會出現用錯膠嘅情況喇 !
