裝修佬話你知 : 修補木材裂縫有妙法
2018年09月29日
1
345640
大部份家居裝修都離不開用木材，無論係傢俬、門框定係鋪設地板，唔多唔少都會用到木材。雖然木材會令屋企感覺更溫暖、更貼近自然，但係就會因天氣變化而冷縮熱脹，久而久之就會出現裂縫，唔盡快適當咁處理問題就會令裂縫越來越深，難以補救… 究竟有咩方法可以自行修補木材裂縫呢 ? 裝修佬話你知 !
其實坊間都有各式各樣嘅修補裂縫方法，但就唔係每種方法都咁有效，加上工序煩複，真係未必未個用戶都識得自行處理o架 ! 就喺云云眾多方法之中，有一種方法就係使用木料填充劑喇，佢係一種含天然木纖維的快乾木料修補填充劑，能夠有效修補少於6毫米嘅裂縫，防止裂縫繼續延伸，阻止情況惡化。
加上木料填充劑夠晒簡單易用，只要打開蓋再配合刮刀幫手就可以輕鬆解決裂縫問題喇，而且填充劑乾後仲可以鑽、釘、磨同埋上漆，咁就好難發現修補過嘅位置啦 ! 只要屋企有木料填充劑，就算木材因天氣改變而出現裂縫都冇有怕喇 !
