裝修佬話你知 : 保護門窗好幫手
2018年09月30日
1
371730
屋企空氣流通固然係一件好事，空氣流通就連身體都會健康啲，人都精神啲 ! 但有陣時當遇到太大風嘅日子就有機會令門窗突然關閉，衝擊力之大係好有機會對門窗做成損毀，仲可能會令門框、窗框亦受到破損… 唔想咁樣可以點做 ? 等裝修佬話你知啦 !
門塞
要防止門身因大風猛烈撞擊可以用門塞幫手，只需將門塞卡喺地板與門底位置之間就可以有效阻止門身關閉。雖然使用簡單，但亦有機會因不同情況而令門塞鬆脫，令門塞未能發揮功效。
窗戶定風翼
定風翼用途同門塞差不多，同樣能夠將鋁窗固定，有效阻止窗戶因強風而突然關閉，安裝上亦都唔算複雜。不過定風翼會因風吹雨打而折舊，假如定風翼破損嘅話就唔能夠鎖定窗戶喇 !
海綿膠條
海綿膠條係一種密封式軟質膠料，用法簡單，只需要將膠條直接貼上鋁窗框、門框就可以有效防止風沙及塵埃從空隙滲進室內，最重要係軟質膠料能夠做到吸音緩震功效，令關閉門窗嘅時候更寧靜而且仲有效保護門窗，就算因風吹而突然關閉，都可以減低衝擊力度，令門窗得到保護 !
