裝修佬話你知: 放濕機的原理及用途
2018年11月18日
1
379444
踏入秋冬，天氣除咗變得涼快之外，仲會越來越乾燥。如果空氣濕度低過50%，就會令呼吸道變得乾澀，嚴重嘅話仲可以導致喉嚨痛o添… 再加上乾燥天氣亦會令皮膚龜裂，疼痛難耐 ! 假如每年乾燥季節都覺得有以上問題嘅話，一部放濕機就有機會改善問題喇 !
放濕機根據加濕原理分為四種類型，分別係超聲波型、純淨型、電熱型同霧化型。而唔同類型嘅放濕機嘅作用都係要維持室內空氣濕度喺50%以上，而市面上更加有部份放濕機係有產生有助人體健康嘅負離子功能呢 ! 當空氣濕度能夠維持喺50%以上，就有助減低因乾燥天氣影響，令呼吸系統同埋黏膜保持濕潤，減少患上感冒嘅機會，提升免疫力 !
而日本山崎嘅超聲波放濕機就採用超聲波高頻振動霧化技術，加上先進出霧口設計，噴霧均勻不滴水，而且仲可以令噴霧擴散範圍提高。另外佢具備5公升大容量水缸，足夠令放濕機運作連續6-8小時，保持空間持久濕潤；而且超靜音運轉，就算夜晚開住佢瞓覺，都唔會覺得嘈吵o架 !
