第111伏 - 風呂注意事項 <請留意留言跟其他版友學野>
2015年12月07日
0
137289
版友問整風呂(日式浴缸？)有什麼要注意。
我憑空諗七點，拋磚引玉，俾真正既用家同師父補充下啦！
1. 師父經驗─由於呢樣野少見，所以未必個個師父有經驗。如果佢經驗比較少，你報價時要識確保師父真係識做，同埋你自己要多做功課。如果你識防伏思維，你會識得問/諗好多野，例如水在頭那邊出，還是腳那邊出是否重要？如果係頭，咁條花灑水喉係咪要做伸縮？具體內外尺寸係點？坐位尺寸？如果到時咩都憑空諗，實中伏。
2. 用戶經驗─都係那句，由於少見，可能有很多伏埋沒左。其中我會很好奇的是，咁大個風呂，儲水係咪好耐？好多時覺得時間耐，會唔會浪費左個風呂？屋企有幾多人會用？太大唔環保，太細自己一個人用/輪候時間問題哦？...又係有好多問題，去到最後一定係要問自己：你有幾想要？目的是什麼？有其他OPTION嗎？清楚呢個答案比一切都重要。
3. 唔想D水咁快凍，配合浴室寶，呢個就基本架啦~ 不過溫度一樣，咁樣做法浸得舒唔舒服我就唔知。因為我真係唔熟呢樣野，所以憑空諗~
----
經新合作伙伴 - 德寶Tanki兄教路後，講多一個伏：
4. 風呂主要問題係太重，容易整裂樓下天花，要睇下你幢樓係咪能夠承受。第三保唔包施工後對其他單位的損害，賠都賠死你。加上到時你風呂要拆都唔平！
----
希望有用家/師父分享下，整風呂要注意既地方啦！
