第133伏 - 燈槽多伏要注意？(已開)
2015年12月08日
0
137076
最近提過燈槽要注意既地方，例如：
1. 先鏟後裝 --> 未鏟牆紙就裝燈槽，可能影響鏟底鏟唔淨，以致新貼牆紙好易「飛角」
2. 石膏板托底 --> 可以影響駁口位易不易出現裂紋 (其實對好多人黎講，燈槽接口有裂縫並唔重要，但如果你要求好高，就要識講~)
今日再講一個伏...
今日去左探幫我造過櫃，而我覺得質素同服務都好好既 Max & M Design ，佢俾左張圖我睇，問番我圖中有咩伏。
答案(由Max & M Design Anthony提供，版主微改)：
「燈槽凸左出黎，所以窗簾會俾佢阻到，如果是布簾，下面的窗就會漏光，如果是捲簾/羅馬簾就更弊... 正確黎講，應該將燈槽改窄少少(但不能太窄)，但如果戶主搵設計同裝修，係搵兩班唔識既人去做，呢樣野應該邊個提，其實好難講！如果可以，搵同一間會中少D伏！」
版主補充：想像下當師父裝左燈槽上去，設計師同戶主講話唔OK，戶主同裝修講，裝修又同戶主講「你之前又冇提」... 三人混戰，戶主夾在中間會好煩，兼會被迫埋單... 我問過Anthony價位，其實搵設計公司做埋裝修，裝修那部分的價，唔會點貴過出面，所以都真係值得諗架！
---
(防伏班繼續招生！詳情問我或睇置頂POST！)
