裝修佬,讓您的裝修更有保障!
外傭都有機會引來木蝨? 唔知就中伏嘅家居木蝨預防攻略 – 百科全智識 | 裝修佬hkdecoman.com – 香港一站式網上裝修平台
檢舉
我的意見
1500/1500
提交檢舉
回覆
我來說兩句
1500/1500
提交回覆
您的位置: 首頁 /
外傭都有機會引來木蝨? 唔知就中伏既家居木蝨預防攻略

有無試過明明屋企好乾淨,但都有木蝨出現?原來木蝨又叫做床蝨,係因為佢地通常潛伏係床入面。人體殘留係床褥上面既皮屑、體溫都會為木蝨製造一個方便滋生既溫床。床蝨咬出黎既赧同蚊赧其實十分相似,不過床蝨既赧會維持大概一至兩個星期。而當有床蝨出現既時候,床上面可能會出現少量既血跡以及一點點既黑點,當呢啲情況出現既時候,就代表有木蝨已經出現係附近!而且當係屋企見到一隻成蟲既床蝨係你面前經過既時候,木蝨可能已經潛伏係你屋企半年以上!

而屋企有木蝨除咗可能係因為天氣潮濕之外,更有可能係由你屋企既工人姐姐帶入嚟!想知點解?今日就為大家講解下外傭有機會帶來既木蝨危機。

外傭都有機會引來木蝨? 唔知就中伏嘅家居木蝨預防攻略
圖片來源:Topick

有報章訪問滅蟲顧問並表示,外傭係本港家居木蝨問題第二大源頭,第一大源頭係內地傢俬,佢解釋,因外傭大多數來自熱帶地方,佢地上任前住既Boarding House衛生情況未必十分良好,有機會係呢度沾染木蝨,木蝨會匿埋係衣服及行李篋內被帶回家。此外,即使外傭身上及所有物品都無木蝨,但假日外出時,亦有機會係鄉里之間傳染;佢又表示,不少外傭即使被蝨咬,都唔會主動向僱主提出,直至僱主發現家中有木蝨,才發現源頭來自外傭,但呢個時候木蝨早已經進駐屋入面!

訓訓下會比野咬真係唸下都覺得恐怖,想知道點解決木蝨問題?我地訪問咗達寶思滅蟲專家為我地解答,講解聘請外傭既戶主應該做咩動作去預防問題。

首先,其實一兩隻木蝨入屋已經有機會會繁殖得好快,特別係有蟲卵係身上既時候,情況就更加嚴重。因此最後既辦法就係叫外傭姐姐係入屋之前先係酒店居住一晚,將所有衣物帶去洗衣店高溫清洗一次,並將行李篋丟棄,第二日先比工人姐姐入屋,就可以確保木蝨唔會入侵到屋企。

當然如果覺得專登訂一晚酒店咁破費既,亦有另外一種方法。僱主可以係工人姐姐入屋前準備定一套乾淨既衣物比佢換,然後係門口外面將所有衣物取出,用超過八十度以上既熱水清洗。而行李篋就最好都係丟棄,重新買過一個比姐姐,因為你永遠唔會知道入面收埋幾多蟲卵。

屋企有木蝨真係一件好可怕既事,一旦發現之後一定要盡快清理。了解更多有關家居滅蟲服務,搵滅蟲公司為你解決木蝨煩惱。

「防伏班推介」是由裝修學院透過自家認證,為戶主搜羅可安心選用的優質品牌,同時透過文章和影片,提高消費者選擇建材的知識水平。所有推介資訊均由學院獨立編採,而大部分推介品牌之產品/服務均於建材商城「裝修mall」有售。

本文章內容及圖片均由本專欄作者提供及上載,並不代表本公司立場,如有任何版權問題,請與本公司聯絡。

关键字: 裝修佬; 裝修; 木蝨; 床蝨; 外傭;
  表情
發佈
1、地區
2、聯絡資料
請WhatsApp聯絡我
3、補充資料
馬上預約