第82伏 - 玻璃門之伏

玻璃門一向俾人高檔既感覺，但圖中兩道玻璃門，至少有三個潛在問題：

1. 無法辨認開關門方向：究竟開門應該拉定推？呢兩道門仲要因房間限制整到一拉一推，絕對會令人不斷撞板，不順心。你唔會想好似商場咁貼個push/pull起度⋯ 最好一係推拉都得，一係

2. 形同虛設的隔聲：世界上最差既隔聲，唔係唔隔聲，而係將你唔想聽到既聲音放大佢。廁所有既聲，不外乎「殊⋯殊⋯」「咚！咚！」和「砵— 砵—」。你話朋友黎聽到，仲感唔感去廁所⋯

3. 太墜手既門重：唔知拉定推，再加上道門有番咁上下重，用上去就會加倍不便和危險。如果想透過加厚玻璃隔聲，道門太重既情況會更明顯。

防伏建議：

- 造門時，除大門外，開門既扶手位置，同開門方向，最好統一（如：進=推/出=拉）。

- 考慮玻璃掩門/趟門或玻璃門/木門時，不妨考慮埋門重。旺角/圓方都有陳列室俾你試過夠。一般趟門會比掩門方便開關，而木門鋁門就更加輕手。

- 透明膠封條可能有助隔音，但未必封得哂三條邊。其實，屋企太細，裝玻璃門可能有很多不便，真係要諗過先！歡迎大家分享下心得！

原文連結:https://zh-hk.facebook.com/fuklopedia/