裝修必定要注意的事項

2015年12月09日

382140

裝修對好多人黎講都係大事，要出錢出力出心，尤其昤初次做業主的更加係人生的一個里程碑。但其實你地有無想過以下數件事一但中伏，隨時惹上官非、傾家盪產、有家歸不得、欲哭無淚。究竟有甚麼事要注意又如何避免?

1)不平等條約

不平等條約就是合約中對業主相當不利的合約，是最經常出現的危險。因為合約中訂明各種細節，如工期、用料、價錢等等。如果合約中訂明的事項不清晰就會出大問題，以下用三個例子說明:

原因好簡單，30個工作天。開工計，唔開工唔計。結果是係師傅黎做兩日，失蹤一個星期，前後過左9日但以合約計只係用左兩個工作日，呢份約對判頭非常有彈性，比師傅攝位做野一流。

睇到字裡行間的問題未??比個款你而已，無話要比個牌子你。通常收你個正牌錢，比A貨你用... ...無聲出。唔想比人搵笨柒，合約中就唔可以有「款式」二字。

貴一倍的原因在於隱藏價錢，合約中如果訂明某些位置要施工時即場確認。施工中就變成打死狗講價，例子如:打牆造暗水喉10呎，佢標明10呎喉造價5000蚊，超出呎數要1000蚊一呎。然後，施工時發現有其他暗喉或鋼筋太淺引致必須改道，最後多做廿呎，咁就任人抽水了。

應對:必須係簽之前搵專業人仕驗一驗。

2)偷工減料

偷工減料是最經常出現的事情之一，做水喉原本要無鉛焊料純銅配件、地台要做防水層、訂製原木傢俱；結果變成，鉛焊料合金配件、沒有防水層、複合板傢俱(面層的確是原木)。

應對:收樓前要搵駭樓師驗一驗。

3)無妄之災

比方說工程期間引致第三方損失：師傅拆窗跌野落街擲死人沒(幾百萬???)、師傅打拆打穿咸水喉浸壞升降機(幾百萬???)、物料存放公眾地方時絆倒阿婆(幾十萬???).......

應對:開工前要買保險呀。

4)心靈雞湯

買左保險，出事你以為一定會賠?天真!!!! 保額足唔足夠、有無依理賠條款施工???

應對:睇清楚理賠條款先開工吧。

想一想，裝修整壞左升降機，何其嚴重!?

本文章內容及圖片均由本專欄作者提供及上載，並不代表本公司立場，如有任何版權問題，請與本公司聯絡。

關键字：裝修; 裝修佬; 保養; 维修; 注意事項;