【2way制,點樣計?】電掣/燈掣位計費指南 (第 2 集)13A蘇底 、15A蘇底 、20A蘇底 有何分別

2020年01月16日
0
27613
電掣位計費指南 (第 2 集)

上集講咗一掣開多燈嘅計電位法,今集就講下多掣開一燈。另外仲會睇下其他種類嘅電掣/燈掣位常用收費方法。13A蘇底 、15A蘇底 、20A蘇底 有何分別?

例子五(一掣開多燈)

電掣位計費指南 (第 2 集)
1. 兩個掣,開一盞燈,掣計1 X 2,燈計0.5 X 2,即 3 個掣。
2. 三個掣,開一盞燈,掣計1 X 3,燈計0.5 X 3,即 4.5 個掣。

上一篇提到一個燈計只一個掣,咁點解呢個例子又要計兩個同三個掣?咁係因為 two way / three way 線路其實比較複雜,所以咁樣計會比較合理。

其他掣面

電掣位計費指南 (第 2 集)
千祈唔好以為咁就計完,仲有其他電掣位,例如寬頻掣、電視掣等等都會計1個掣位。另外孖蘇則計1.5個,而20A開關掣則計1.5個(坊間亦有不少計2個)。

除左呢幾種掣面,以下會同大家講返三種電器特別嘅計電位方法,同教下大家點樣可以慳返啲電掣位。

熱水爐

電掣位計費指南 (第 2 集)
報價單上通常會列明熱水爐燈曲(開關電掣)為20V,一般會計2個掣位。除咗燈曲,都要計埋熱水爐旁邊嘅接線頭掣面,報價單上接線頭掣面若果計2的話,即係成個熱水爐系統合計4個電位。

例如:
1. 熱水爐燈曲計2,接線蘇掣面計2,2 + 2 = 4個掣
2. 熱水爐燈曲計1.5,接線蘇掣面計1,1.5 + 1 = 2.5個掣
3. 熱水爐燈曲計1.5,接線蘇掣面計1.5,1.5 + 1.5 = 3個掣

抽氣扇

電掣位計費指南 (第 2 集)
抽氣扇通常會喺門口加設燈掣,如此一來又要計多個接線蘇掣面。若果想節省,可以考慮直接喺抽氣扇旁邊選用含開關嘅外置插蘇位,咁就可以減省一個掣面啦。

冷氣機

電掣位計費指南 (第 2 集)
同抽氣扇同理。冷氣機常見電位有三種。冷氣機若使用20V燈曲,一般來說會以2或者1.5電掣位計算,若果將冷氣機先連接一個接線蘇或單蘇掣面(常見係13A,計1個掣),再駁到門口加燈曲,雖然會方便使用,但咁就要計多個電掣位啦。

例如:
1. 冷氣機20A燈曲計1.5,單蘇計1,1.5 + 1 = 2.5個掣
2. 冷氣機20A燈曲計2,接線蘇計1,2 + 1 = 3個掣
3. 冷氣機20A燈曲計2,直接駁冷氣機,2個掣

以上常用嘅計算方法僅供參考,畢竟點樣計算電掣位係你同裝修公司嘅共識,如果唔太理解報價單上嘅內容,不妨請裝修公司到現場舊單位內數一次電掣位,自然就對佢地嘅計算方法一清二楚啦!

如想購買合適電掣,請瀏覽裝修mall選購不同電掣面。若想了解更多裝修上的防伏知識,請報讀裝修防伏班,學做一個精明既消費者。

[特約分享] 家居保險 為安樂窩提供保障
無論裝修簡約還是豪華,單位屬於自置或租住,購買家居保險,都可為家居物品、個人財物及第三者責任賠償等提供保障!按此比較保障詳情及保費
【2way制,點樣計?】電掣/燈掣位計費指南 (第 2 集)13A蘇底 、15A蘇底 、20A蘇底 有何分別
建材小百科
109篇