【 裝修仝人誌．Dinezz篇 】 「賣Idea！講都覺有問題，又點做呢！」
2020年03月09日
1
600
轉行對不少人來說，是個極大挑戰，特別對中年人來說，更是敢想不敢做，因為每每提出，隨時被身邊人反對，但對今篇《裝修仝人誌》主角Dinezz來說，他卻從不理會，因為他知道「人如果唔Keep住進步，生活就會愈嚟愈霉，返工做嘢就會愈嚟愈怯，做乜都驚錯！」
Dinezz在加入裝修佬擔任Head of Content前，已在新聞媒體工作超過15年，直到前年，人到38歲，才由報業轉行做Marketing，目的只希望進步，令自己的職業壽命愈來愈長！
「決定轉行嗰陣，我知我繼續留返喺當時間報館，公司未來5年唔會炒我，但到第6年，就唔敢講！對於只係識寫字嘅我嚟講，如果去到40幾歲失業，可以做D乜呢？保安？便利店收銀？」Dinezz說
轉行初期，Dinezz發覺，自己除需學習更多新技能，更希望可以加入一間有「火」嘅公司：「一間初創，如果最大嗰位都無火，唔敢或者唔識去打天下，咁成間公司就會Hea吓Hea吓，係好出事，講衰D，就係燒晒金主D錢，齊齊搵工囉！」
Dinezz（左）表示，轉工就好比買一隻新Game回家打，最初總是輸多贏少，但當摸熟了，自然得心應手，所以最重要，就是了解每隻Game的法則！
想進步 需花時間與強者相處
Dinezz坦言，在裝修佬工作，挑戰一定有，但重點是見到公司有前景：「有好表現嘅團隊，從來都係由一位有要求同能力嘅人去Lead。No pain, no gain嘛。同埋，你只有跟住勁人，個人先會有進步，即係你會俾佢拉高咗你嘅要求、層次同識見！勁人做嘢，一定係有要求同轉得快！係人初初都唔慣，但當你習慣咗，就代表你Upgrade咗！將來遇到同類人，你唔會怯！」
從報館轉職到初創，哪Dinezz又覺得裝修佬與傳統公司又有何分別呢！「裝修佬似係一間初創同傳統公司嘅混血兒，有晒兩類公司嘅優點，例如返工唔洗打卡、可以Home Office，飲乜食乜打開個櫃就有，但又Keep到運作上嘅效率，而呢一點，並唔係好多公司做到，亦抄唔到！」
說到這裡，他就以公司免費為全港Y2型屋苑檢查排氣管的活動為例，「成件事由開會諗，到真係做，只係4日，換轉其他公司，一係提出咗Idea之後，離開會議室後就無下文，一係要花兩三個星期先實行到！而裝修佬做到，係因為團隊好強調效率文化！」
從報館轉職到初創，哪Dinezz又覺得裝修佬與傳統公司又有何分別呢！「裝修佬似係一間初創同傳統公司嘅混血兒，有晒兩類公司嘅優點，例如返工唔洗打卡、可以Home Office，飲乜食乜打開個櫃就有，但又Keep到運作上嘅效率，而呢一點，並唔係好多公司做到，亦抄唔到！」
說到這裡，他就以公司免費為全港Y2型屋苑檢查排氣管的活動為例，「成件事由開會諗，到真係做，只係4日，換轉其他公司，一係提出咗Idea之後，離開會議室後就無下文，一係要花兩三個星期先實行到！而裝修佬做到，係因為團隊好強調效率文化！」
做事要有Plan B 爭取主動權
所謂的效率文化，就是令工序翻手做（因做錯而重做）的時間，減到最低。第一步，就是Sell Idea的時候，要想清想楚「學公司管理層嗰句：『連自己講都覺有問題，又點做呀！』，然後就盡量用Smart嘅方法去做，而且做完仲要令其他人都睇得明！同埋，盡量將主動權Hold喺自己手，唔好俾人控制住，咁先可以減低成件事嘅風險！」
不少人求職，可能只求追逐職銜與薪金，但從Dinezz的分享可見，找到適合自己的上司及公司才是最重要，因為只要找對了，工作才會做得更久，個人能力才有長進！「真係唔好貪少少錢就去轉工！我俾你轉工加多2千蚊又點？份工做得唔開心，然後辭工失業幾個月，有乜謂呢！一兩千蚊，有時出少幾次街，食少兩三餐好嘅都喺到啦！」
不少人求職，可能只求追逐職銜與薪金，但從Dinezz的分享可見，找到適合自己的上司及公司才是最重要，因為只要找對了，工作才會做得更久，個人能力才有長進！「真係唔好貪少少錢就去轉工！我俾你轉工加多2千蚊又點？份工做得唔開心，然後辭工失業幾個月，有乜謂呢！一兩千蚊，有時出少幾次街，食少兩三餐好嘅都喺到啦！」
