第52伏 - 造櫃的好處...？
2015年12月23日
0
185077
以下哪些句子是正確的？
1. 造櫃可以做到頂，用盡D空間佢。
2. 造櫃可以無縫，成間屋整齊兼且小強無處可逃。
3. 白色易污糟最好唔好造白色。
4. 自己去傢俬舖度訂造，好過叫師父再叫傢俬舖訂造。
5. 電視下櫃造兩尺，因為師父斷尺計，唔夠一尺造足一尺抵D，放下雜物相簿電線都要啦！
分享：
1. 做到頂會有壓迫感，而且拎野唔見得方便。圖片中的櫃唔到頂，亦係因為想做燈槽效果，怕積塵可以考慮裝多塊玻璃起面啦！
2. 當然，訂造櫃會比較合size，但有沒有縫，其實就唔關訂造事。訂造都有縫，你想無縫，就要叫師父幫你做封邊收口。所以怕小強入la既，唔駛因此訂造櫃。
3. 其實白色污糟覺唔覺，第一睇你用咩野料，好似廚房台面的仿石，用白色反而冇深色咁易污，因為D花痕唔會覺；第二睇易唔易清潔，可問清楚師父，唔同料可以用咩清潔劑唔可以用咩清潔劑，你就知道到時有咩漬冇得清理。(遲D搜集下資料做個唔同物料易清潔程度既大比較。)
4. 冇錯，其實裝修師父幫你造櫃，都係要叫傢俬舖造，隔多一種好似貴多一重咁。但你其實可以一開始請佢分開報價，佢知道你會格價，就唔會賺你太多，有些師父亦會講明，佢只賺你全屋裝修一條大數，造櫃呢D唔會再要賺你。可以試下同師父傾下，因為佢幫你諗、幫你裝，提下你點樣夾成個裝修都有用嘛。
5. 以前D電視櫃咁深係係因為以前D電視機大。而家電視機下面的櫃唔好造咁大，因為電視機櫃很矮，造得咁深其實浪費左間屋好多空間。加上如果你想收D線呀拖板呀入櫃度，造得太深其實真係好冇用...
