第48伏 - 揀牆身顏色
2015年12月24日
3
180827
揀色，基本上係唔駛錢(*深色/特別色可能有少少附加費)，但大家都唔係設計師，有時真係好難揀~揀色唔係揀「我要橙色」，因為單是燈色都有幾十隻(注意色卡上，每條唔係一隻色，係七隻色)。而每一隻油左上去既感覺都唔一樣！
好既設計師/油漆舖會俾圖中既色卡你揀個夠。麻煩既地方，係你冇得起電腦揀，一定要親身睇色卡，顏色才準。而再好既設計師，都只會問你一句：「色呢D野，好主觀，你鍾意邊隻丫？」因為唔想幫你揀左，你唔啱賴佢 (好似買股票咁，D investment consultant從來唔會話明佢睇好邊隻，都係俾你自己揀)。
問題來了──
- 點樣揀牆身色？
- 揀色時要注意什麼？
- 如何幫到你分辨那幾十隻橙色既分別？
大家分享下啦~
我既分享：
1. 如果你想特別D，當然可以睇雜誌/示範單位慢慢拼啦，但記得牆、地板、天花、燈源位置/數量/顏色等，是一個整體。唔好俾D雜誌呃左你。
2. 至於一般既屋企，都係白色(*非純白，下面講)油通全屋，再加一幅特色牆，油你鍾意既色。
3. 白色唔好純白，唔係驚污糟，係「白哂哂」唔得柔和，亦有D人覺得用純白係以前D廉租屋先會用。總之請擺脫這情意結，用少少奶白/米黃色，會好睇好~~~~多。
4. 至於特色牆，你可以用牆紙或者油油漆。由於佢係你屋企大廳既格調。你要揀一隻符合呢間屋企理想既感覺既色。用色卡揀。分辨幾十隻近似既顏色既方法之一，係睇下隻顏色既名字。唔識就查下字典。專業既色版，D名定得好鬼貼切，我本來揀左一隻黃，叫SUN GOD(太陽神)，之後改變主意，用類似色既牆紙。叫得特色牆，不妨揀一隻少見D而你鍾意既色，獨特本身就是美。
5. 之後就係睡房。大家都明白點解唔好用鮮紅色之類架啦，但要注意，唔好用D太沉既顏色。我用左隻RIBBON BLUE，好似希臘愛琴海、水兵制服感覺既顏色，人人都話靚。之前都POST過的。而家晚晚訓覺都鍾意望下幅牆一陣先訓，隻藍色令我感覺好似去左希臘愛琴海舒服同開心。
6. 最後，冷暖色呢D我就唔講啦，大家都知！你地問我至答啦！
暫時諗到既分享係咁多
