裝修佬教你鑽個窿 - 電鑽鑽牆教學

2015年12月25日
9
325917
裝修佬教你鑽個窿

大家係屋企想係牆身鑽個窿掛下衫褲砌圖名畫,甚至乎想裝個櫃。好多時都要用鑽鑽窿,但係操作起黎大家都會好苦惱,小小一個窿都會覺得好難鑽,甚至連買邊隻電鑽都唔清楚。今日小篇就帶大家進入裝修的世界,了解係牆身打洞既技巧。

第一個課題係電鑽,平時我地講電鑽,呢類用電的工具其實分為兩種,一種係衝擊鑽另一種係油壓鑽:

衝擊鑽:機身比較短,可以係石屎以至金屬木材上工作,而轉速相對也比較高,而且係使用夾頭的方式咬緊鑽咀,所以會有一條匙用黎上鑽咀,鑽咀尾圓柱形。機身上通常有兩個推檔,一個調轉速另一個調模式。如果要係牆身鑽窿,設定上,首先要把正確鑽咀上緊,再將模式檔撥向「鎚仔圖案」,然後把轉速調低(慢速扭力高),衝擊鑽就可以準備工作了。
 

裝修佬教你鑽個窿裝修佬教你鑽個窿

裝修佬教你鑽個窿裝修佬教你鑽個窿



油壓鑽:機身比長,非常合適在石屎物料上工作。與衝擊鑽的分別是,他們的鑽咀不可共用,油壓鑽的夾頭的吸索式,不用甚麼匙扭來扭去。而且轉速或模式檔大都是用旋鈕調整。油壓鑽設定上較方便,因為本身就是用黎鑽石屎,所以都無甚麼好設定,有啲貴價型號會有保護檔、炮檔、反向檔,大家只要記住調到「鎚仔圖案」就可以了,而上鑽咀非常方便,直接把專用鑽咀插進去直至"得"就可以。唯一小心的是鑽咀有坑數分別,四坑五坑買的時候要分清楚,互不通用,五坑油壓鑽非常巨型,而且很貴。買時要分清楚。


裝修佬教你鑽個窿裝修佬教你鑽個窿
裝修佬教你鑽個窿


第二個課題係鑽咀,鑽咀要買石屎鑽頭,有分雙刀、四刀、衝擊、油壓。至於四刀鑽咀,扭力大的鑽可以考慮用,力水不足好易卡住係窿入面唔出唔入。
  
左邊是4坑雙刀油壓鑽咀,右邊是雙刀衝擊鑽咀。





左邊是4坑雙刀油壓鑽咀,右邊是雙刀衝擊鑽咀。



第三個課題係輔助工具
1)深度尺,裝上鑽身後可以方便調整鑽孔深度
 
裝修佬教你鑽個窿
2)中心衝,行內叫「賓子」,係牆身要鑽的位置打「賓子」,開鑽時不易走位
 
裝修佬教你鑽個窿

3)膠布,貼係要鑽的地方,同「賓子」原理一樣,都係固定開鑽位置。
 
裝修佬教你鑽個窿


4)牆身探測器,顧名思義,睇下牆身有無鋼筋、電線或水喉。




然後就要開始鑽窿啦!!
1)設定好你把鑽
2)使用金屬探測器睇下牆身有無鋼筋、電線或水喉
3)係要鑽孔的位置打「賓子」或貼膠布
4)然後就可以開鑽了,恭祝馬到功成!!!

來一條youtube 讓大家更清楚:

想了解更多裝修知識或行業動態,請留意裝修佬專欄。

裝修華
271篇
搵緊裝修?
裝修佬免費網上裝修配對服務幫到您。
  •  免費上門度尺報價
  •  12小時內專人回覆
  •  專業意見專人跟進
立即查詢
1. 地區
2. 聯絡資料
致電前先以whatsapp聯絡我
3. 補充資料
裝修佬科技有限公司的隱私政策
而家登記,送您半日裝修防伏班!
不需要裝修防伏班
馬上預約 暫時不要
立即試用裝修佬免費配對服務!