【 裝修仝人誌．Elton篇 】做事勿兜圈 直奔重點成事快
2020年06月04日
3
600
「呢間公司冇『閒雜人等』，每個員工都有自己角色。唔洗覺得自己渺小，在座每一位都好重要！」作為裝修佬01號員工Elton非常認真地說。
「係其他公司你會覺得好似細個讀書要做project咁，明明一兩個人可以完成，但就要分好多個人去做，其他人都係食緊花生。其實咁好唔健康，因為冇嘢做，人會產生危機感，覺得自己可有可無。」資源分配不佳反而會令員工感覺不到自身價值，而在裝修佬工作的Elton認為每個人都有自己不可取代的工作，大家互相合作公司才得以運作完善！
打工仔搖身一變成明燈 指引客戶負任重大
那任職裝修顧問的Elton怎樣看待「裝修顧問」這角色？「以前打工仔心態，我又唔係對住對頭嘅大佬細，會覺得完成件事就算。而家唔同晒，每次相遇，可能都係個客人生中唯一一次嘅裝修，佢一定好緊張，而顧問係過程入面幫佢預示前路，做引導。」
「有問題發生嘅時候，說話技巧都非常重要。嗱！說話技巧唔係指呃呃氹氹，而係同佢分析現況，係令客人自己去思考，係冷靜嘅情緒之下做出最合適佢嘅決定。」裝修顧問的角色就像是位導師？「其實我覺得會好似一個警察又似一個法官，就係要保持中立。」
「有問題發生嘅時候，說話技巧都非常重要。嗱！說話技巧唔係指呃呃氹氹，而係同佢分析現況，係令客人自己去思考，係冷靜嘅情緒之下做出最合適佢嘅決定。」裝修顧問的角色就像是位導師？「其實我覺得會好似一個警察又似一個法官，就係要保持中立。」
做事勿兜圈 說話直奔重點
感情豐富且喜愛跟人聊天的Elton，在每分每秒都在急促成長的裝修佬工作，還擔任講求「中立」的角色，他當然也曾幾何時跌入過感情的漩渦。「有時覺得做人要體面啲，咁直唔得嘅。兜圈講一大輪都未到重點，結果係老細好簡單直接同我講『講重點！』。」
「係啊，裝修佬唔係個會浪費時間嘅地方，係公司入面嘅同事都坦誠相對，大家目標都係有效率完成件事，兜圈又有乜謂呢！以前真係冇人會教你呢啲，最緊要就客客氣氣唔好得罪人。」
裝修是個漫長的過程，客人急的時候，「講重點」的技巧也幫到Elton。「如果一個問題你預示到冇辦法即時解決，就應該逐一逐一拆散佢去處理。例如單位拖咗好耐，客問幾時完工，你唔應該同佢兜圈，話唔知。咁樣係不斷俾個假希望佢，其實係消磨佢耐性！」
「老細有講過出口講嘢前，要知道自己做緊乜，目的係乜。答客人「唔知」係冇意思，都達唔到令佢安心同信任嘅目的。老實講裝修變數大，你未必答到佢日子，可以做嘅就係逐個步驟通知佢，個答案唔係即時出現，但個客會知道工程進行緊，確確實實一步一步向前緊。咁先係令顧問工作有意義。」
（圖片說明：Elton（右）表示，在裝修佬工作，員工們都是不可取替的角色，每個人都能發揮自己所長，絕無「閒雜人等」。）
「係啊，裝修佬唔係個會浪費時間嘅地方，係公司入面嘅同事都坦誠相對，大家目標都係有效率完成件事，兜圈又有乜謂呢！以前真係冇人會教你呢啲，最緊要就客客氣氣唔好得罪人。」
裝修是個漫長的過程，客人急的時候，「講重點」的技巧也幫到Elton。「如果一個問題你預示到冇辦法即時解決，就應該逐一逐一拆散佢去處理。例如單位拖咗好耐，客問幾時完工，你唔應該同佢兜圈，話唔知。咁樣係不斷俾個假希望佢，其實係消磨佢耐性！」
「老細有講過出口講嘢前，要知道自己做緊乜，目的係乜。答客人「唔知」係冇意思，都達唔到令佢安心同信任嘅目的。老實講裝修變數大，你未必答到佢日子，可以做嘅就係逐個步驟通知佢，個答案唔係即時出現，但個客會知道工程進行緊，確確實實一步一步向前緊。咁先係令顧問工作有意義。」
（圖片說明：Elton（右）表示，在裝修佬工作，員工們都是不可取替的角色，每個人都能發揮自己所長，絕無「閒雜人等」。）
以踏實小步成就夢想
講到一步一步向前進發，Elton回想起對他來說深刻的裝修佬事件——第一屆「裝修Challenge」。「嗰時裝修佬得六個人左右，個場大到不得了，六個人處理晒所有嘢，佈置、比賽物料、同會場點夾、活動流程。活動完結後，我第一個諗法係：我哋真係完成到，我哋冇死到！好感動。」
在小小的co-working space裡，裝修佬員工夢想一路爆發。「我哋要衝出去、要大落去、做到更多元嘅嘢、要搬一個大office，要燒到嘢食嘅，一定要衝出香港！大家同老細一人一句。」
「最勁嘅係，你會發現我哋逐一實現緊自己講過嘅嘢，由一間細既公司，再慢慢發展到呢個規模，我哋冇俾人睇死。無論係裝修佬活動、5000呎office定走入東南亞，都一一實現緊。係咪好似我頭先講客人一步步見到工程嘅完成？你見到呢個過程，你好自然覺得自己要keep住進步。」
01號員工Elton見證著裝修佬發展至今的故事，正正告訴大家，努力讓自己擔任著重要的角色，不浪費資源和時間有效率地工作，你未必知道成功在哪天，但以宏觀的視野去看，成功是從現在確切的一小步開始。
在小小的co-working space裡，裝修佬員工夢想一路爆發。「我哋要衝出去、要大落去、做到更多元嘅嘢、要搬一個大office，要燒到嘢食嘅，一定要衝出香港！大家同老細一人一句。」
「最勁嘅係，你會發現我哋逐一實現緊自己講過嘅嘢，由一間細既公司，再慢慢發展到呢個規模，我哋冇俾人睇死。無論係裝修佬活動、5000呎office定走入東南亞，都一一實現緊。係咪好似我頭先講客人一步步見到工程嘅完成？你見到呢個過程，你好自然覺得自己要keep住進步。」
01號員工Elton見證著裝修佬發展至今的故事，正正告訴大家，努力讓自己擔任著重要的角色，不浪費資源和時間有效率地工作，你未必知道成功在哪天，但以宏觀的視野去看，成功是從現在確切的一小步開始。
