【熱門文章】信不信由你收樓拜四角

2020年06月05日

664

拜四角是什麼？

你信唔信都好，大家都應該有聽過拜四角呢個傳統嘅儀式，其實拜四角係咩嚟㗎呢？點解要拜呢？如果要拜又要點做呢？

傳統嘅說法係無論全新樓、舊樓、業主或租客其實都係要拜四角，拜四角呢個儀式就好似「入屋叫人．入廟拜神」嘅道理，以尊敬嘅心通知依附嘅靈體、天神、地主及土地公，你將以新住客嘅身份入住，祈求心安理得，家宅平安。

亦有人話拜四角係希望同上手嘅衰運/孽債「割蓆」，等上手嘅衰運唔會係你身上延續。無論咩原因都好，如果要拜四角就最好係收鎖匙當日做，最遲都要係裝修前完成喇！

為大家介紹一個簡易拜四角方法，準備物品：3個橙，1個蘋果、紅蘿蔔、有殼花生一堆、糖果少許、香25枝及拜四角用嘅衣紙 (可以去到紙紮鋪購買，話係拜四角用嘅就得)。五個方位都要放祭品及衣紙，按以下次序排位，最上方放生果，中間放花生及糖果，置中位置放切片紅蘿蔔用嚟插香5枝，下方放上衣紙便可。

先由居室中央位開始，再拜四個角位，中間份衣紙係放有觀音衣或地主衣嘅，會有一張黃色地契，上面寫上住客嘅名&新居地址。準備好就可以係中間誠心唸：「姓名xxx，將會搬進此宅，祈求地主庇佑入住此宅身體健康，家庭和順，心想事成，濁去清來，大吉大利。」

跟住在係中間拜三拜，上香，之後順時針拜，其他地方不用唸，只係拜三拜上香，等點完後順時針清走就可以啦！如化寶嘅話必需先化中間，其餘不需次序，不過留意返化寶嘅時候，要耐心等待衣紙完全燒成灰燼為止。切忌用水強行淋熄，因為咁樣係對神明大不敬嘅行為。

文章提供：smartME 智能地產平台

smartME以科技建造全面可靠嘅智能地產平台，分別推出以客戶為本嘅「放屋搵盤」及提升業界競爭力嘅「地產代理」程式。smartME以速度為代理連繫買賣雙方，以嶄新模式為業主、買家及租客雙配對全港十八區嘅合資格地產代理。無論放盤定搵樓smartME都能夠為你帶來更高效、多元、簡單嘅體驗。

本文章內容及圖片均由本專欄作者提供及上載，並不代表本公司立場，如有任何版權問題，請與本公司聯絡。

關键字：裝修佬; 裝修; 拜四角;