裝修名人堂 Kerk 裝修是一種對客人的關懷 「麵包」中找到「理想」

2020年06月24日
0
24587
裝修名人堂 Kerk 裝修是一種對客人的關懷 「麵包」中找到「理想」

Kerk言談間流露著書卷味,與我們認知的裝修師傅氣質大不相同,原來他曾是一位高中教師!從教育界投身到裝修界,這個風馬牛不相及的行業已有7年,他解釋這是「理想與麵包」.。

「理想」與「麵包」

「做老師係理想,但拎唔拎到我想要嘅嘢呢?教育呢一行大環境出現問題,例如教師其實花好多時間去做行政工作,根本唔能夠投放更多時間專心教書,冇幾多時間真係對住啲學生。」

不能成就「理想」,Kerk決定抽身試著尋找「麵包」。「然後抽離啲一望,香港有兩個行業唔會死,一就係同住嗰方面相關嘅行業,另一個就係醫療行業,但就需要特別嘅學歷認證,所以我就轉行做裝修。」

成為客戶與師傅之間的橋樑

這種徹底的改變,Kerk有否感到困難?Kerk覺得因為自己曾為教師,在裝修界裡反而讓人眼前一亮。「客人第一件事會話『你唔似師傅喎』,『我真係唔係師傅黎㗎!』。客人會覺得我斯文,好處係更加願意同我傾。因為裝修佬俾人印象就係讀書冇咁多,工作環境辛苦啊嘛,所以脾氣大啲,粗粗魯魯冇乜耐性嘅感覺,講多兩句就勞氣。但我係呢方面就相對冇呢個問題,入行咁耐都冇試過同人有過爭拗。」

把關懷帶入裝修界

Kerk能把他對教育的理想,把那份人文的關懷融入了裝修。「做裝修其實係睇緊客人嘅每一個故事,你見到佢嘅生活,佢嘅生命,見到佢過往係點。我哋就係要捉到呢樣嘢,捉到佢嘅喜好,去建造適合佢嘅家。有時個客未必口講到,但係佢哋心入面會埋藏住一啲想法,甚至係啲唔能夠用言語表達出嚟嘅嘢,如果我哋做到其實佢實會好開心。」

「荃灣一個case,一家三口連個工人,有老人家。我接觸呢一家人,冇乜刁鑽要求。我溝通期間了解到其實佢哋全家都係啲文靜嘅人,想屋企好舒服,唔鍾意有啲誇張嘢。所以我哋幫佢出圖,北歐風設計,顏色都用啲淺白淺灰,利用盡佢個高樓底優秀。」

「盡量唔希望佢入到嚟感覺到嘅好sharp,但又唔係全白,會好似診所。傢俬都有好多嘢要注意,因為有小朋友,每個角度嚟講都係用簡約嘅方式黎做。」

從「麵包」中找到「理想」

收樓時客人反應如何?「客人一開門好驚訝。佢覺得好amazing,因為佢冇講呢啲嘢出嚟,佢只係講咗佢想要個舒服嘅環境,但我哋同佢傾偈感受同知道佢哋性格同習慣,用我雙手去做到一個適合佢嘅「家」俾佢。」在教師生涯中無法放下繁複的工作去認真面對學生,但在裝修行業中,Kerk卻能做到以人為本,真正了解客人,以自己的方法去滿足他們。

裝修就是一種對客人的關懷。 如果想知道自己適合的設計風格?歡迎到裝修學院做個裝修設計心理測驗
想裝修屋企/維修家居?登記「裝修佬」免費裝修報價,24小時內專人回覆,為你推介最適合你的裝修公司。
裝修名人堂 Kerk 裝修是一種對客人的關懷 「麵包」中找到「理想」
裝修名人堂
151篇