【真實裝修小故事】裝修服務科顧問 Ken 教路超實用門櫃小貼示

2020年10月31日

140580

裝修千變萬化，細節多如繁星，裝修戶主未必能每一個細節也能用安排設計得十全十美。因此裝修學院找了不少資深的裝修行家來分享他們留意到的裝修小故事，讓裝修戶主了解更多裝修小細節。本次由裝修學院裝修服務科顧問 Ken來分享有關設計門和櫃的實用考慮！

裝修小故事1：廚房造櫃是必須？

裝修，唔駛下下都造櫃既！

Ken：「鐘意入廚房既人會明，好多時地方唔大，想造U形廚房又冇位行，轉個身都唔夠位。面對呢個情況，我地有時會建議客人整圖中既活動板。活動板係就咁鎖落去，舊左想換都好容易。呢種活動板亦可以用黎做小朋友既功課枱。相比造櫃，省錢又省位。」

裝修服務一定包括幫客人賺番空間！

Ken：「呢個L形位，如果造兩道門，係最簡單既。但明明廚房門和雜物房門都不需要常關，為什麼不二合一呢？師傅工夫未必少左。但係「一寸空間一寸金」，戶主省到空間，住得一定舒服D開心D。」

一道門、兩份用，加個框就得！

Ken：「戶主唔想咁多道門、花錢黎阻住自己。佢諗左個一門兩用既想法。但佢自己走去門鋪度問，D職員都話做到架，點知到要訂門既時候，佢地先話你地要自己畫圖黎訂喎，你畫到我先做到。呢個時候就考我地裝修公司，有冇心機嘗試同研究呢個一門兩框點樣訂料同安裝，先至幫客做得成依個設計意念！」

Ken：「好多人裝修造櫃，會問用咩料、幾錢尺。但其實我地最重視既，反而係同客既溝通。圖中呢個例子中，我地會同客人夾，佢搵到啱用既配件，俾尺寸我地，我地再按配件尺寸去設計個櫃，用盡空間，造出黎美觀又實用。咁先發揮到訂造櫃既價值。客人有要求識提出，我地就盡量去配合，咁樣先可以做到合作無間！」

（鳴謝：鴻盛裝修工程公司）

歡迎行家來稿分享裝修小故事，甚至建立自己的小專欄，向大眾分享裝修設計心得！

想一日學哂裝修要知既野？想在家學習DIY家居維修？想了解裝修行規標準及查閱認證名單？請看：https://bit.ly/30IMeqO

本文章內容及圖片均由本專欄作者提供及上載，並不代表本公司立場，如有任何版權問題，請與本公司聯絡。

關键字：裝修佬; 裝修; 櫃; 櫃門;