裝修名人堂 Jay 裝修是一場裝修公司與戶主的無間合作 成就必須經驗支撐
2021年01月27日
0
36391
Jay年青的外表下原來已入裝修行業六年有多，從高薪厚職的公務員轉職裝修佬，是甚麼驅使他走上這條路呢？「其實做公務員一定唔會餓死，好穩定，但一切都固定咗。出嚟做生意唔同，自己承擔自己，有無限可能性。同埋有一技之長，對一個人嚟講係好重要，無論去到邊其實都生活到。」
「當時同事都同我講『點解唔試呢？試咗可能得呢！』，然後就走去屋企人嘅裝修公司做。」突然躍身到與自己過往毫不相關的行業，其挑戰並非人人能抵禦，年輕的Jay卻了無恐懼。
「有冇不安，其實一開頭真係冇，因為比較後生嘛，敢衝。俾人扔落嚟之後，其實都可以叫自生自滅，咩都自己學。第一個月返工，就俾人叫我睇晒商場廁所嘅裝修。乜都唔識，都冇接觸開呢一行嘅人，自學睇圖，自己試同判頭夾，唔識就打電話問下功課。」
「好彩都完成到個工作，完成到個廁所出黎之後覺得，嘩！原來真係可以做到出嚟，做到出嚟個效果原來都唔錯，咁就好有成功感，跟住每一單都係咁樣跌跌撞撞，自己學下就到今日。」由零開始去成就一件實實在在的事，其滿足感驅使每一位裝修師傅、設計師、Project Manager繼續堅持，Jay也一樣。
從經驗中成長是裝修必行之路
跌跌碰碰間是成長，是經驗，這也是Jay對裝修最深的感受。「裝修其實最重要係經驗，把握學習機會。裝修幫到客人之餘自己學到嘢都好重要，學到點樣有技巧去做，點樣去睇穿背後要考慮嘅因素。例如收口點收得好，出錯點補救，改善翻新點樣做得好，一切都係要試要學。」
「做師傅唔好怯，要識執生，臨場靈活變通，可以令到好多嘢慳返時間同工，係幫到客人。好簡單一個例子，係牆身鑽一個窿，上螺絲發覺鑽大咗，係咪要鑽多個呢？其實唔洗，其實用牙籤塞落去膠塞，就已經用得返，咁就慳時間成本，又唔會影響工程質素。做得多嘅智慧同經驗。」許多寶藏就在工程裡面，是教科書觸及不到的範疇，只有不斷試才能找到最有效快捷的方法。
「做師傅唔好怯，要識執生，臨場靈活變通，可以令到好多嘢慳返時間同工，係幫到客人。好簡單一個例子，係牆身鑽一個窿，上螺絲發覺鑽大咗，係咪要鑽多個呢？其實唔洗，其實用牙籤塞落去膠塞，就已經用得返，咁就慳時間成本，又唔會影響工程質素。做得多嘅智慧同經驗。」許多寶藏就在工程裡面，是教科書觸及不到的範疇，只有不斷試才能找到最有效快捷的方法。
以厚實年資扶助戶主完成理想家居
公司年資厚實長久，Jay在多個老師傅的提攜和自己的努力下，也浸出了自己的歷練。為了擴展公司，Jay想憑著他們多年與地產商合作的經驗開拓私人客戶的市場。
「對地產商同對街客唔同，私人裝修戶主要求嚴謹更多，因為畢竟係自己住嘅地方，佢哋想盡善盡美，但同時佢哋嘅裝修知識可能就比地產商少，呢個就係我哋發揮嘅機會。」
裝修其實是一種合作。「其實依家呢個新世代，個個裝修之前已經都過功課，所有嘅建材點做法，有晒所有嘅概念，好有Idea。」
「好似近期一單Job，個戶主後生，600幾呎單位佢已經諗好晒點樣裝修，用乜材料，有晒自己諗法，我哋就分享返如果你想咁做，就應該電線要放大啲，咁你日後想裝呢樣果樣，如浴室寶都可以做到，唔洗日後先再煩。」
「好似我阿媽屋企，嗰時唔識搵人裝修，跟住搞到依家裝個浴室寶都裝唔到，電線問題，姐係又要俾多啲錢人哋去整，其實裝修應該一步到位，唔好當你需要用到嗰樣嘢嘅時候，你先再俾人哋整，唔美觀，浪費時間成本，又影響到自己，呢啲就係靠我哋提客人。」
「我哋就過往經驗，share點樣做得好啲長遠啲，裝修唔係我哋話晒事，客人idea加我哋嘅實戰知識，咁就合作無間啦！」
「對地產商同對街客唔同，私人裝修戶主要求嚴謹更多，因為畢竟係自己住嘅地方，佢哋想盡善盡美，但同時佢哋嘅裝修知識可能就比地產商少，呢個就係我哋發揮嘅機會。」
裝修其實是一種合作。「其實依家呢個新世代，個個裝修之前已經都過功課，所有嘅建材點做法，有晒所有嘅概念，好有Idea。」
「好似近期一單Job，個戶主後生，600幾呎單位佢已經諗好晒點樣裝修，用乜材料，有晒自己諗法，我哋就分享返如果你想咁做，就應該電線要放大啲，咁你日後想裝呢樣果樣，如浴室寶都可以做到，唔洗日後先再煩。」
「好似我阿媽屋企，嗰時唔識搵人裝修，跟住搞到依家裝個浴室寶都裝唔到，電線問題，姐係又要俾多啲錢人哋去整，其實裝修應該一步到位，唔好當你需要用到嗰樣嘢嘅時候，你先再俾人哋整，唔美觀，浪費時間成本，又影響到自己，呢啲就係靠我哋提客人。」
「我哋就過往經驗，share點樣做得好啲長遠啲，裝修唔係我哋話晒事，客人idea加我哋嘅實戰知識，咁就合作無間啦！」
逆市中處之泰然 予平安信心客人
入行六年累積的經驗，讓Jay面對著逆市更顯其成熟同時有信念的一面，處之泰然。「逆市，保持平常心，態度一定要正面，因為負面都唔會令逆市好轉，吸引力法則嘛！要裝修嘅都係要裝修，因為住呢樣嘢真係十年二十年嘅事。」客人能見Jay的平常心，自然能對自己的家居感到平安與信心，吸引力法則嘛！
想裝修屋企/維修家居？登記「裝修佬」免費裝修報價，24小時內專人回覆，為你推介最適合你的裝修公司。
想裝修屋企/維修家居？登記「裝修佬」免費裝修報價，24小時內專人回覆，為你推介最適合你的裝修公司。
