裝修名人堂 Leo 裝修需觀察入微 細緻安排 只求為客人慳得精 慳得靚

2021年02月24日
0
24587
裝修名人堂 Leo 裝修需觀察入微 細緻安排 只求為客人慳得精 慳得靚

裝修細節繁多,除了跟戶主見面的設計師、動手的裝修師傅之外,處理細節事項,連結多方,以致工程能順利完成,還有在背後默默努力的Leo。

由最基本的打拆、泥水、水電等等,裝修是在單位中一層層疊加建造上去,而Leo就是安排協調的角色。「計成本、買料、同唔同師傅夾,安排每個工序師傅進場退場,準備好晒所有嘅料同工具,師傅一進場就開得工,令到成個工程變得smooth啲。」

裝修後勤需觀察入微 只想為客人慳得精


作為後勤人員,Leo這身份最重要的是觀察入微。「做呢個位,要好微細,普通人平時冇留意嘅地方都要見到。例如我要安排建材上樓,要事先知架電梯嘅內籠同門口尺寸,負重幾多,如果個櫃好大個嘅,你冇考慮過電梯嘅問題,到時電梯入唔到就好大獲,所以睇呢啲微細嘅位好重要,一定要好清楚。」

精心安排裝修流程,其實是在為客人精打細算。「其實都係為咗幫個客慳,我個角色點幫佢慳呢?主要係買料同安排層面著手。」

「要控制兩樣嘢,第一係廠,香港地大多數都係幾百呎單位,多數都係用櫃去提升儲物空間,咁你傢俬個廠嘅質素就會直接影響時間同成本。如果你傢俬廠企理,整咗落嚟佢冇乜手尾,冇乜磨損,一下就裝到落去就會非常之好,如果唔得嘅話就會大量執手尾工作。」

「另外,一班好嘅師傅做同一樣嘢可能四工(四日工錢)搞掂,唔好嘅師傅可能拖你七工,時間同成本都輸咗。引伸嘅最大問題係建築流程係要鋪排,泥水、水電跟住一層一層咁鋪上去,每一層之間如果師傅拖工,後面成個project都會延遲。所以有班跟實你嘅好師傅好重要。」

工程秒秒都是成本金錢 完美安排無縫裝修流程


找出好傢俬廠和師傅團隊,然後就走到Leo另一個的任務——安排。「我做一個項目之前,我安排師傅過嚟同時我要安排佢需要用嘅所有工具材料,咁去到就可以即刻開工啦。」

「要做得到呢樣,一定要同師傅保持緊密聯系,首先清楚了解返個客嘅要求,轉化成師傅聽得明嘅語言,加埋影片啊相啊,提早list晒話俾師傅知要做乜,俾師傅嘅資料俾得愈詳細,佢俾返你嘅feedback同要買乜嘅清單就愈詳細,做準備嘅時候就可以更加充足。」

「如果出現買漏要補料嘅情況,補料嘅時候師傅做唔到嘢,就會浪費左人工同時間,最後成本就增加,師傅人工貴,如果浪費咗半日時間咁就幾百㗎啦,買得唔足都會導致進度拖慢。」

家居裝修三個月工期分分秒秒也是成本金錢,因此掌管著工期細節安排的Leo並非微不足道,反而是控制成本的重要一環,而這也是讓他們公司的報價在戶主們心中脫穎而出的優勢。

引入優質高質外國建材 開發性價比高彷製品


裝修除了人,還有建材。提及建材,Leo非常熟練仔細地解釋公司的每項特色建材,原來他的公司是建材起家,最扎實的沙泥水漿,到戶外建築建材,再到歐美名貴質感極佳裝飾建材一應俱全。

「因為我哋基礎材料又有,飾面都賣,好順利成章就開始發掘更多項目,因為家居裝修都會用返呢啲建材。一開頭只係做供應商,然後做埋安裝嗰part,一步一步嚟,到而家裝修都做埋裝修。」

「賣材料咁多年,我哋對材料上嘅了解同掌握,絕對不遜於你喺出面自己搵專賣材料嘅公司。」Leo坦言戶主對建材未必太了解,未必清楚如何選購裝修家居的建材,但若然找一家對建材有徹底了解的裝修公司,便能一氣呵成選出最適合自己的建材然後裝修家居。

「公司供應開外國嘅靚建材,而我哋客戶一部份都係設計公司,我哋揀得嘅都符合到佢哋,有本事sell到高級設計公司係種證明嚟,代表我哋係有美感嘅觸覺。我哋做裝修會負責幫個客設計,由於對建材嘅眼光,我哋設計相對會比較高雅一啲。」

同時Leo明白對生活質素有要求的香港戶主,往往受預算所限,就算想要高雅美感的設計,結果仍是退而求其次以實用性為首要考慮。

「真係飾面質感靚嘅外國建材未必個個戶主可以負擔得起,咁我哋就會搵其他廠幫佢整鍾意嗰款料嘅彷製品,似七成,但平三分一。呢啲製成材料係香港市面少見,夠特別,唔會同人撞,但又平喎。」以對建材的知識和經驗為顧客提供可行節省成本的方案,遠超出一般裝修公司能提供的服務。

好建材、好師傅、好廠商,樣樣兼備,一切都在Leo的掌握之中。每一個溫馨的家居的出現,都有一位默默於背後為客戶做好完善安排的人。

案例欣賞:


灣仔佑德大廈:時尚工業酒店風設計

想裝修屋企/維修家居?登記「裝修佬」免費裝修報價,24小時內專人回覆,為你推介最適合你的裝修公司。
裝修名人堂 Leo 裝修需觀察入微 細緻安排 只求為客人慳得精 慳得靚
裝修名人堂
151篇