【 裝修仝人誌．Icy篇 】 死頂無益，積極面對才是正道！
2021年10月02日
1
600
「之前起大公司做，每人都是gear（齒輪），最好是放下情感做粒好螺絲。」
「裝修佬工作環境常變，會面對很多新挑戰，也要面對不擅長。」
Icy去年受到前上司邀請加入裝修佬，擔起E-commerce & Advertising Sales Manager的工作差不多滿一年，深感到在裝修佬的工作歷程中，重新認識了自己的優缺點，對未來規劃事業生涯更感明確。她的經歷和心得，對正在尋找事業路向或剛晉升管理階層的人來說，其實很具啟發性。
大公司的「小」VS小公司的「大」
在大公司工作，每個人的位份很小。每人做好本份、不可做少，但也不必做多，大家共識是不帶私人情感上班，謹守崗位交足貨，便是長久生存之道。而裝修佬這間20多人的中小企，卻強調每位員工的獨特性和發揮空間，不論職級位置，每人都有自己獨立負責的項目和範圍。這也是Icy離開上一份工作，加入裝修佬的原因。
「我覺得喺裝修佬可以有機會試到唔同嘅嘢。當公司快速發展，每個人都會獲得新嘅機會。做嘢係有壓力，因為總會接觸到自己唔擅長嘅嘢，但完成之後會俾到個明確身份同價值俾自己。以前做大公司，角色就係做粒『好螺絲』。」
「當然做一粒螺絲唔一定唔好，但隨著時間過去，好多時要面對重覆嘅工作，螺絲會滑牙，進步空間亦好少。起裝修佬體驗過後，就唔係特別想番去大公司啦。」
上司怕你常犯錯 X 公司怕你唔敢錯
既然是受到前上司邀請加入公司，自己在之前的職位肯定做得不錯，與上司合作多年亦有默契。但在裝修佬擔當完全不同的角色，挑戰並不是一丁半點。在裝修佬，Icy有機會嘗試自己不熟悉的Business Development工作，也要管理下屬，很快就發現從前的一套不再適用。
「以前在大公司工作，雖然都要帶領junior同事，但大公司已有一定的工作規範，管理範圍只需要確保同事工作喺既定範圍內合理完成，將個波交咗出去差唔多就完成任務，但裝修佬呢間公司因為發展得好快，好多嘢未必有既定規範去跟，喺無框架之下係要諗點樣建立同不斷優化樣嘢。唔止完成件事，而係做好件事。」
「又因每人都有獨自負責嘅項目，所以要面對自己決策嘅後果，如果其他人做得唔好，身為上司和中層管理，亦要兼顧、預視同解決問題，因此，分配工作不再只是發話／傳話，更要考慮埋對方嘅接收等等。」
「我覺得裝修佬最好的地方，係為員工提供機會時，同時提供容錯度，鼓勵員工嘗試新角色，但公司提供容錯度，並唔代表上司唔嚴厲。公司俾機會你錯，但上司肯定唔想你頻頻犯錯，咁亦都好合理。」
「尤其裝修佬強調ownership，一樣嘢唔會兩個人做。咁如果一個人做唔好，其實係會阻住咗成件事。所以條線其實並唔會因為容錯高而調低到。公司提供機會嘅同時，其實亦伴隨住好大嘅責任同埋挑戰，負責任嘅員工所面對嘅壓力自然係會大咗好多。特別係做緊自己唔擅長嘅嘢時，會發覺每件事都可進步、可挑剔，有時亦不免會懷疑自己，但其實呢個時候就更加要去諗點樣令自己進步……」
（圖片說明：Icy表示裝修佬為員工提供一定的容錯空間，藉此鼓勵員工嘗試新角色，但亦伴隨著龐大的責任與挑戰性，必須不斷思考如何令自己進步。）
風浪中所獲得的心志──接受問題、積極溝通
在過往一年的經驗中，Icy認為最大得著之一是重新認識了自己的優缺點和練成出強大的抗壓心態，為未來事業打好基礎。
「之前喺大公司，習慣將自己放得好低，學會將情感等等都放埋一邊，覺得咁先係專業。喺裝修佬工作嘅一年令我明白到，原來當自己以為將情感放埋咗一邊，其實其他人係睇得出，而唔去理自己嘅情緒同壓力，亦會直接影響自己工作狀態和表現，造成惡性循環。」
「但情緒係需要面對、問題亦需要正視嘅。無視情緒或者仍可以做完件事，但只有照顧好自己嘅工作狀態，才能走出惡性循環，把事情做好。面對情感遠比放下情感更能投入工作。」
「接受自己嘅不足，並唔代表放棄進步，而係唔因情緒阻礙自己，令自己繼續去試時有諸多hesitation。表達和正視自己嘅情緒狀態，反而幫到我將一啲無用嘅想法分開，所以有問題係需要積極表達。除咗上司以外，亦可以主動尋找橋樑，總之唔好俾自己帶住負面情緒工作。死頂其實係辛苦自己，又幫唔到件事。」
Icy坦言，雖然成長必經陣痛，轉換角色亦不容易，但認為接受挑戰需要做好準備，在過程中不斷調節心態、積極面對困難，整頓好自己，然後重新出發。
