【修佬教室】有冇諗過自己可能係「兩極戶主」？
2023年05月08日
2
14105
間唔中都有戶主問裝修學院「係咪要俾開工利是架？係咪要請師傅食下午茶架？」其實最重要嘅又邊度係下午茶。有D師傅甚至最怕食戶主嘅下午茶。
「師傅你唔駛理我架，我睇下架咋。」
「師傅你唔駛理我架，我問下架咋。」
「師傅你唔駛理我架，我提議下架咋。」
師傅希望專心工作，唔鍾意花時間同戶主打牙骹，又怕講粗口嚇親戶主，又怕答戶主問題講錯嘢，本身想專心係一件好事，唔洗就住就住。但戶主角度就覺得得閒上單位「關心」下師傅，順手望下進度，反而令師傅覺得壓力大增，適得其反。
不過講起裝修監工，最怕都未必係日日上黎「學裝修」嘅戶主。有時 裝修公司會遇到一D客戶，簽咗單就唔見人。想confirm圖紙、想confirm建材、想confirm顏色，收到嘅只係兩個藍剔，已讀不回，真係「皇帝唔急太監急」。
睇下漫畫中戶主嘅善良笑容、修佬支下墮嘅煙，就會明白裝修師傅遇到兩極戶主時嘅無奈。戶主如果想學好拿揑同師傅距離，歡迎登記與裝修顧問展開對話，相信裝修起上嚟就更得心應手！
=================================================================
裝修佬網站於2015年11月上線， 致力為傳統裝修業界帶來變革，引領行業發展，令香港沒有麻煩/爛尾的裝修！根據第三方平台數據統計，裝修佬網站自上線到目前一直為全港人流量第一的裝修平台。裝修專欄每週為你提供最新裝修資訊，涵蓋裝修新聞、趣事，DIY技巧，工具及家品推介等內容；裝修電視提供多元化裝修/家居影片及媒體資訊，每週為您放送實用資訊。 裝修佬Facebook： https://www.facebook.com/hkdecoman
