【裝修名人堂】一個善於溝通，另一個善於聆聽，互補互助
2023年06月06日
0
35391
——裝修佬專訪：設計師Jerry和啊Dee
「我哋係孖生兄弟嚟㗎，為咗可以學多啲嘢，做咗呢行廿幾年，近年先決定一齊創業。」看著眼前兩位雙胞胎兄弟Jerry和啊Dee，第一眼散發著截然不同的感覺。了解過後，得知他們是跟從爸爸腳步入行，由零開始學習室內設計，之後再學習裝修。過了二十多年的現在，他們更自立門戶成立一條龍服務的設計工程公司。即使兩位都是負責人，但分工就十分明確，令他們不論進行工程或者營運公司都加倍功成。
父親行業所致 自幼對畫圖有深厚興趣
憶述當年，Jerry和啊Dee的爸爸從事裝修的契機，令他們兩位兄弟自幼就對畫圖有深厚的興趣。「後來大咗之後識咗一位設計師，有次佢望到我哋畫嘅圖，佢就話我哋畫功唔錯，於是我哋就係咁樣開始報讀咗去學室內設計，之後仲入埋呢行。」
機緣巧合之下，兩位就這樣誤打誤撞地跟從爸爸腳步入行裝修設計，但他們卻有著比別人不一樣的看法。Jerry坦言：「太過互相依賴一定學唔到嘢，所以我哋就一早決定要喺唔同公司發展，有機會時就可以將各自學嘅唔同嘢發揮返出嚟。」這個先見之明，後來更變成了穩定發展公司的根基。
至今，Jerry和啊Dee已投身裝修設計逾二十多年，如今更創業近7年，而他們都一致同意１因素令他們有著不一樣的管理模式，Jerry指「我就比較擅長溝通，我會去用說話令客人感覺我知道佢鍾意啲咩，同時比佢感覺要好似朋友咁溝通，盡量要令客人舒服啲。」而啊Dee就指，「我就比較擅長聆聽，聽完佢有咩需要之後就再幫佢分析同設計。」
一個善於溝通，一個善於聆聽，互補互助
做到目前為止，兩位都表示仍然抱著同一樣的心態，「其實客人搵我哋，都係希望我哋完成曬成個工程，所以我哋會盡我哋能力，為客人解決問題。」而且Jerry更表示，即使客人晚上一點多找他，他也會為客人解答問題，只希望令客人可以安心一點，不帶著疑問睡覺，這一切都反映出他們兩位對工程的細節。
為客人主動解決問題，就是我們宗旨
「打完工出返嚟，其實都會跟返之前老闆嗰一套，但我哋就因應住套做事模式改變，所以依家就漸漸演變咗一套自己嘅工作方式。」他們表示，其實客人尋找一條龍的裝修設計公司，都是希望所有問題能有人負責解決，因此他們宗旨是盡量主動為客人解決問題。啊Dee指：「我曾經做過一宗工程，戶主係一對夫婦仲有一個小朋友，而單位就只有一間房，佢哋只有一個要求，就係希望間房唔好咁壓迫。於是我見到單位樓底比較高，就主動提出閣樓嘅主意，而工程完成後個客都好滿意。」
未來願景 盼生意更上一層樓
Jerry和啊Dee最後指創立公司後責任更大，公司的方方面面都需要負責。為了統一保持到所有工程皆是最高質素，無論是度呎、畫圖、見客、繁複文書工作，樣樣都是親自經手。展望將來，兩位笑言希望能將公司由現時的辦公室，拓展至地舖生意，甚至是更多分店，可以為更多香港人打造理想安樂窩。
**相片由受訪者提供**
————————————————————
—————————————————————
想知道更多裝修資訊？咁就記得啲讚好我哋嘅Facebook ／YouTube頻道啦！包你睇完一定學到嘢！
裝修佬Facebook：https://www.facebook.com/hkdecoman
裝修佬Youtube：https://www.youtube.com/@deco-tv
裝修MALL：https://mall.hkdecoman.com/
