【網絡熱話】孝順女婿斥380萬購九龍灣移民盤 供外父外母自住
2023年07月09日
0
2719
好多人都認為「租樓等如幫人供樓」，但近日就有位孝順女婿為咗唔想再交租，索性斥資380萬元購入九龍灣一個一房單位，供外父外母居住。事件公開後，不少網民都大讚其女婿錫老婆之餘，真係好錫埋老婆屋企人！即按內文睇睇單位詳情啦！
放盤逾年 累劈兩球沽
據了解，單位為移民盤，放盤已一年多，業主原本開價580萬元放售，但期間經歷樓市大波動，曾多次減價；及至本月初減價至420萬元，之後再降價至400萬元，即獲買家洽購，雙方經過一星期議價，最終以380萬元成交。
據悉，新買家為一名孝順女婿，在同區租樓予外父及外母居住，因不想再「幫人供樓」，加上單位附有40萬元豪裝，可即買即入住，節省大筆裝修費，遂入市上址。至於原業主於2004年2月以440萬買入單位，持貨19年，現轉手帳面獲利60萬元離場。鮑允中又稱，上述單位為利基大廈本月首宗成交，屋苑目前放盤量約有21個，叫價由415萬至700萬元不等。
[本文獲 AM730 授權轉載]
