【裝修名人堂】「對我而言，人同人最緊要係溝通」
2023年07月18日
0
35391
－專訪：師傅張生
今次接受裝修佬訪問的張生，過往曾從事高潛力的機械工程師，但途中發現自己在工作上想尋求不一樣的人事物，於是數年前鼓起勇氣，毅然跳出舒適圈，開始入行裝修設計行業。至今，他更是一條龍裝修設計服務公司的老闆！
白紙入行 努力磨練打穩工程基礎
張生本身是從事機械工程師，期間發現自己對裝修設計工作有興趣和熱誠，經過深思熟慮後，決定離開自己的舒適圈，由零開始去學習。他坦言：「雖然做機械工程都會接觸到一啲畫圖同編程嘅嘢，但其他嘢我都係完全唔識，所以入行初期我一路學木工，一路再自學畫圖技術。」透過張生跟隨不同師傅中努力學師，例如木工和電工等等，汲取到不少經驗。
一條龍式裝修服務 重點在於溝通
在裝修設計行業找到熱誠的張生，比較喜愛做全屋裝修的單位，因為「可以比我設計嘅地方都更多」。張生的理念是希望能做到高質素的一條龍式裝修設計服務，由設計到完工，整個流程都可以提供專業且優質裝修服務。張生由白紙入行，直至現在已是一間公司的負責人，被問到有什麼體會，他直言： 「 對我嚟講，人同人最緊要係溝通」，他續指，「去同客人溝通佢哋有咩需要，話到比佢哋知我哋擁有嘅專業知識，以溝通品質和服務為目標，係我成立公司其中一大理念。」
看準時機創業 5年開1廠1舖
談及創業過程，習師一段時間後張生發現是一個好時機去創業，他憶述：「當時做咗木工3年之後，我想工作上可以多啲發展空間，所以我就喺內地開咗一間傢俬廠，嘗試用自己自學嘅畫圖技術去設計傢俬，而持續生產高質素嘅傢俬都令間廠有唔錯嘅生意，於是我就趁住呢個機會，喺香港再開埋裝修設計公司，期間再學點樣去畫室內設計圖，一手包辨前期同工程開展之後工作。」
創業初期曾遇難關 保持耐心應對情況
雖張生看準機會開立了傢俬廠，更再接再厲在香港開立裝修設計公司，但其實期間都曾遇過難關。他坦言：「初初開張嘅時候都遇過客源不足嘅問題，呢個係件唔容易嘅事。但後來我一直保持耐心，睇市場需要啲咩，我就配合去做啲咩，盡量滿足市場嘅需要，所以後來我再自學畫平面設計圖，比客人睇到我哋嘅細心。」
創業後心態大有不同 盼公司穩定成長
張生又表示，在成為一間公司的負責人後，心態上大有不同，「以前做機械工程嘅時候唔需要考慮咁多，但依家除咗責任心大咗，同時亦都要經常考慮到工程上各種嘅細緻度，而且都要識得同客人溝通。」而對於未來的看法，他對於裝修設計行業的前景感到樂觀，「香港人生活水平提高咗，生活上嘅追求都有提高，所以我覺得呢個行業前景應該都會幾好。」
**相片由受訪者提供**
————————————————————
裝修師傅嘅你，睇完都想加入裝修佬平台再接多啲單？
咁就快啲加入成為我哋一份子啦！
【即按此加入平台】
—————————————————————
想知道更多裝修資訊？咁就記得啲讚好我哋嘅Facebook ／YouTube頻道啦！包你睇完一定學到嘢！
裝修佬Facebook：https://www.facebook.com/hkdecoman
裝修佬Youtube：https://www.youtube.com/@deco-tv
裝修MALL：https://mall.hkdecoman.com/
