【裝修名人堂】由飲食業轉行獨闖裝修界 親力親為助客人建家居
2023年08月08日
2
35387
今次訪問的師傅Tomson，起初是從事飲食行業，後來經朋友推介，決定毅然轉行成為裝修師傅。雖然在裝修界的年資尚淺，但憑著他多年仍然堅持親力親為的心態做工程，獲得不少客人的讚賞。近年他自學畫圖技術，更成功創辦裝修工程公司，令事業更上一層樓！
朋友介紹成契機而轉行 發掘自己另一面
Tomson憶述，自己本身是從事飲食行業，後來機緣巧合之下接觸到這行，「我跟朋友接觸咗全屋裝修之後，發現自己有興趣，於是決定嘗試下呢一行，一做就做咗差唔多八年」，他又續言，除了親自跟朋友去學裝修之外，更去自學畫圖。在入行階段，學習裝修投巧已相當不容易，同時再自學畫圖技術，筆者深信必定要擁有一定的熱誠才能成功做到！
珍惜客人家居 努力配合客人喜好
Tomson又指，不論是以往打工階段也好，抑或是現在成為了負責人也好，對於客人承諾這點十分重要，他表示「我認為做咩工程都好，一定要誠實地跟客人相處，所以我不會因為價錢平咗，而質量差咗。做工程點都唔可以呃人，唔可以偷工減料。」有時Tomson遇到客人各種意見，他亦會盡力配合，因為他知道客人的家居除了質素要好之外，客人心意亦十分重要。
談及打滾十年，最深刻的事件是什麼。Tomson笑言：「最深刻的是自己入行後第一單工程，初初打工嘅時候都仲有朋友帶住，但依家開咗公司之後就係自己去見客，雖然起初無咁熟練，但好彩客人都好開心好滿意，所以真係好深刻。」
凡事親力親為 確保每個項目能達最好質素
完成一宗工程固然是一宗艱難的工作，坊間不少裝修公司都會分派工作給不同負責人員跟進，雖然能確保各自項目的質素，但卻不能確保交接工作順利。而Tomson所創立的裝修公司卻有著截然不同的想法，「好多嘢我都係親力親為，由創業至依家，包括見客、報價同畫圖，全程暫時都係由我自己一個落力跟進，所以質素打關得比較好。」
對於公司的未來展望
展望將來，Tomson笑言希望能拓展至地舖生意，再建立到自己的團隊，為更多香港人打造理想安樂窩。對於近日熱門的AI功能，他認為是一個好的發展，除了能加快為客人提供資料，更能節省更多時間。
**相片由受訪者提供**
—————————————————————————————————————————
裝修師傅嘅你，睇完都想加入裝修佬平台再接多啲單？
咁就快啲加入成為我哋一份子啦！
本文章內容及圖片均由本專欄作者提供及上載，並不代表本公司立場，如有任何版權問題，請與本公司聯絡。
