【裝修名人堂】與班底情同手足 創業逾20年：最重要責任心
2023年09月20日
1
35395
—專訪：裝修公司負責人黃生
今次訪問的負責人黃生入行逾二十多年，從言談中，筆者深深感受到他對每宗工程的堅持，對一同處事多年師傅班底的誠懇態度。雖然黃生由「白紙」出身，但憑著他的努力和堅持，如今已經是一位知名裝修設計公司的老闆，更直言：「每個壓力都成為了我的動力。」
朋友推薦致萌生創業念頭
黃生憶述，當年踏入裝修界，緣於當時身邊朋友都從事建造業，於是便「一齊拍住上」，和朋友一同做木工學徒。他坦言工作起初頭幾年，的確令他汲取到不少實戰經驗。後來，黃生為不同戶主裝修單位期間發現其他師傅手工質素參差，於是便萌生了創辦工程公司，親自做好每宗工程的念頭，「做著做著就知道其他人手工如何，而且對工程細節都好了解，所以的起心肝決定一試。」
親自與太太洗樓尋生意
於是，黃生便憑着積蓄在20多年前創辦了首間裝修公司，「當時科技未有咁發達，我同太太用咗2年幾時間親自去各區大廈洗樓，後來先開始陸續有客人搵我哋。」不過，黃生又指，當公司正步上軌道之際便不幸遇上沙士。雖然對公司打擊十分大，但他為了讓師傅班底可以繼續有工作，便再次親自外出尋覓不同判頭工作，「最希望都可以繼續到養活到班師傅同他們的家庭，佢哋就好似我嘅兄弟咁。」
無懼沙士一疫 繼續迎難而上
經歷沙士一疫，黃生比別人加倍努力，他坦言：「沙士那時香港好多地方都停頓咗，我寧願辛苦啲親自走出嚟搵生意，希望養活到班手足，好彩公司最後營運到落去。」同時，憑著黃生多年經驗和努力，有戶主更找他處理整個家族的裝修設計，黃生自信地表示「是一件相當有成就感的事」。後來，黃生在10年前開立了另一間裝修設計公司，而原有師傅班底至今仍然一同工作，黃生指「大家做咗咁多年，經歷了咁多嘢，真係情同手足」。
「希望同公司一眾兄弟班繼續安穩發展」
入行20多年，黃生至今接過不同風格的裝修設計要求，他統計過最多香港人喜愛「日系風格」，不過師傅班底都有多年經驗，除了「日系風格」之外，做其他設計風格都相當出色。在訪問最後又表示，對於未來公司發展並沒有太大野心，只希望與公司一眾兄弟班都可以安穩發展，養活到家庭之餘，亦可以一直接到工程，為香港人打造一個又一個的安樂窩。
想了解更多有用裝修資訊，請瀏覽裝修佬專欄：
