【裝修防中伏】上網買平價電器必中伏？即睇網民真實評價比較！
而根據FB的統計，呢個帖觸及了4萬6000千人，回覆人數達329人。
數據如下：
雖然帖文觸及人數有限，但表示中伏既人都真係唔少，竟然有多達10%的人反映不滿。當中具名指控單一商戶的負評comment比例，三大亦有一定差異，可供讀者參考。當然以上數據僅於FB帖文收集，無論在sampling size還是methodology上都極為粗疏，只能視作參考。
咁知道左又可以點呢？其實，價錢同服務的確係相關嘅，在呢個中伏調查中敗陣的Built-in-Pro，亦係三大之中最平嘅，所以包括幫襯多次都冇事既作者在內，都係會仍然繼續幫襯的。
其實睇番廣大網友既負面體驗，可以分為兩類：
1. 誤解類
例如，有D人誤解商戶既然開得WhatsApp，就有責任提供優質的客服。但呢個係錯誤期望黎。千祈唔好期望佢個WhatsApp會殷勤回覆你售後問題，因為根據作者經驗，佢地基本上忙到連售前都覆D唔覆D。有問題既，就打電話「打尖」，其實唔難搵到人既。而佢地存貨亦唔會好似HKTV Mall咁先進，一部電器分開幾次送黎係好正常等等，唔駛擔心係咪件貨有問題（真係擔心咪問番間廠）。
拿，筆者冇話唔覆WhatsApp係啱係好，只係講呢個係事實。總之人地賣點係平，同埋保證係行貨正貨（睇哂所有留言，未見過有人投訴佢地既貨源有問題）。咁你既然決定要幫襯佢，就要明佢玩法，唔好因為錯誤期望而失望丫嘛。
2. 刑事類
嗱，呢個問題就嚴肅好多。起大家既留言度不乏見到「收左錢話冇貨又唔退錢」、「無貨扮有貨」等指控。如果屬實，呢個情況係刑事、係可以報海關的。因為海關有「不當接受付款」和「誤導性遺漏」呢兩條。而且，咁大間公司亦唔會唔理消委會，因此亦可尋求協助，而不一定要訴諸海關。
退一萬步，如果唔想幫襯佢地嘅，其實你有其他選擇架。區內有口碑嘅電器舖其實可以做到相近的價錢，客服仲可以好好，因為直達老闆丫嘛。但針無兩頭利，千祈唔好期望佢哋齊貨、又或者好似三大咁，有大大個網頁、透明嘅報價和產品訊息。而如果唔識區內小店，跨區買都得，但送貨就會較疏。
最後總結一下，呢篇文唔係廣告文，亦唔係勸世文。筆者仍然會繼續幫襯俾人鬧得最甘既舖頭，最多唔買D舊款電器，費事退款耗時麻煩。而如果讀者想就呢個題目提供內容，歡迎電郵至裝修學院 [email protected]，請盡量附上相關資料，版主會認真回覆和善用，希望為行業帶來進步、為大眾帶來價值，同時也為網頁帶來流量 =D
想了解更多有用裝修資訊，請瀏覽裝修佬專欄：
